کراچی: موبائل ہیک کرکے خواتین کو بلیک میل کرنے والے ملزم کا 3 روزہ جسمانی ریمانڈ منظور

slotcosino

  
—فائل فوٹو

کراچی کی جوڈیشل مجسٹریٹ جنوبی کی عدالت میں موبائل فونز ہیک کر کے خواتین کو بلیک میل کرنے والے ملزم کو عدالت میں پیش کیا گیا۔

عدالت نے ملزم سمیر خان کو 3 روزہ جسمانی ریمانڈ پر پولیس کے حوالے کر دیا۔   
کراچی: خواتین کے موبائل ہیک کرکے زیادتی کرنے، ویڈیو بناکر بلیک میل کرنیوالا ملزم پکڑا گیا

ملزم ہیک موبائلز سے خواتین کے نمبرز نکال کر واٹس ایپ پر میسجز و کال کرتا تھا، ملزم فونز و سوشل میڈیا ہیک کرنے کے بعد خواتین کو بلا کر ویڈیوز بناتا تھا۔   

دورانِ سماعت تفتیشی افسر نے عدالت سے استدعا کی کہ ملزم کا کریمنل رکارڈ چیک کرانا ہے، اس سے برآمد موبائل فونز کا فارنزک معائنہ کرانا ہے، اس سے تفتیش کرنی ہے، اس لیے ملزم کا جسمانی ریمانڈ دیا جائے۔

تفتیشی افسر نے عدالت کو بتایا کہ ملزم مختلف خواتین کے موبائل فونز و سوشل میڈیا ہیک کرتا تھا، خواتین کے نمبرز نکال کر واٹس ایپ پر میسجز و کال کرتا تھا، خواتین کو بلا کر ان کی ویڈیوز بناتا تھا۔

تفتیشی افسر کے مطابق ملزم دھمکی دے کر خواتین سے زیادتی کرتا اور پیسے وصول کرتا تھا، ملزم کے خلاف عید گاہ تھانے میں مقدمہ درج کرایا گیا ہے۔