دبئی ایئر شو کے دوران بھارتی لڑاکا طیارہ تیجس گرگیا، حادثے میں پائلٹ ہلاک ہوگیا، دو سال سے بھی کم عرصے میں تیجس طیارے کا یہ دوسرا حادثہ ہے۔
بھارتی میڈیا کا کہنا ہے کہ حادثے کی وجوہات جاننے کے لیے انکوائری کمیٹی تشکیل دی دے گئی ہے، تیجس بھارت میں مقامی طور پر تیار کیا گیا لڑاکا طیارہ ہے۔
دبئی ایئر شو: بھارتی فضائیہ نے جنگی طیارہ گرنے کی تحقیقات کرنے کا اعلان کر دیا
بھارتی ایئرفورس نے طیارہ گرنے اور پائلٹ کے ہلاک ہونے کی تصدیق کردی۔
مارچ 2024 میں تیجس لڑاکا طیارہ راجستھان کے شہر جیسلمیر میں گر کر تباہ ہوا تھا، 2001 میں تیجس طیارے کی پہلی آزمائشی پرواز ہوئی تھی۔
خیال رہے کہ تیجس کو ہندوستان ایروناٹکس لمیٹڈ （ہال） نے تیار کیا ہے، بھارت کے اپنے ملک میں تیار کردہ اس طیارے کی صلاحیتوں پر پہلے ہی سوالات اٹھائے جاتے رہے ہیں۔
علم میں رہے کہ تیجس کو 4.5 جنریشن کا طیارہ قرار دیا جاتا ہے، جو جنریشن کے اعتبار سے رافیل کے ہم پلہ ہے۔
تباہ ہونے والا بھارتی طیارہ تیجس 2016 سے بھارتی فضائیہ کا حصہ تھا۔
Post time 2025-11-21 22:08:59
فوٹو: بھارتی میڈیا 
