پاکستانی اداکار اور ماڈل اسد صدیقی نے حال ہی میں اپنی بیٹی نورِ جہاں سے متعلق والدین اور اسکولز کے بچوں کو چھوٹی عمر میں داخلہ دینے کے رجحان پر تنقید کی ہے۔
اسد صدیقی نے ایک شو میں کہا کہ میری بیٹی صرف 1.5 سال کی ہے اور اتنی چھوٹی عمر میں اسکول بھیجنا درست نہیں۔
انہوں نے کہا کہ 1.5 سال کی عمر میں بچوں کو اسکول میں داخل کروانا صرف حماقت ہے، چار یا پانچ سال کی عمر بھی مناسب نہیں، اسکول سسٹمز زیادہ تر پیسہ کمانے کے لیے ہیں اور بچوں میں طبقاتی شعور پیدا کرتے ہیں، والدین ہی بہتر اساتذہ ہیں، اسکول مددگار ثابت ہو سکتے ہیں، مگر صرف ایک مخصوص عمر کے بعد۔
زارا نور عباس اور اسد صدیقی نے بیٹی نورِ جہاں کا چہرہ دنیا کو دکھا دیا
زارا نور عباس اور اسد صدیقی نے بیٹی نورِ جہاں کا چہرہ دنیا کو دکھا دیا۔
اداکار نے فن لینڈ کی مثال دیتے ہوئے بتایا کہ وہاں 7 سال سے پہلے اسکول جانا منع ہے کیونکہ یہ سائنسی طور پر بچوں کے لیے سب سے مناسب عمر ہے۔
اسد صدیقی نے مزید کہا کہ اسلامی تعلیمات کے مطابق بھی بچوں کو والدین کے قریب رکھنا اور خود تعلیم دینا افضل ہے۔
Post time 2025-11-23 18:59:58
