|
|
— فائل فوٹو
عالمی شہرت یافتہ پاکستانی سُپر اسٹار فواد خان اپنی اہلیہ صدف کی محبت میں کب اور کیسے گرفتار ہوئے بتا دیا۔
ان دنوں ہر دلعزیز آن اسکرین جوڑی اداکار فواد خان اور اداکارہ ماہرہ خان مختلف مقامات پر اپنی آنے والی فلم ’نیلوفر‘ کی تشہیری مہم میں مصروف ہیں۔ ان کی فلم 28 نومبر کو سنیما گھروں کی زینت بنے گی۔
تشہیری مہم کے دوران صحافی سے گفتگو کرتے ہوئے فواد خان نے انکشاف کیا انہیں لاہور کی سردیوں میں صدف سے محبت ہوگئی تھی۔
انہوں نے بتایا کہ یہ 1998 کی سردیوں کا موسم تھا، اور ہم ایم ایم عالم روڈ پر ایک ریسٹورنٹ میں تھے، اس وقت لاہور میں سردیوں کی شام اب کی طرح اسموگ والی نہیں بلکہ دھند والی ہوا کرتی تھی اور لوگ لذیذ گرم کھانوں سے لطف اندوز ہوتے تھے۔
اداکار نے کہا کہ سردیوں کے موسم میں لاہور کا ایک الگ ہی ماحول ہوا کرتا تھا، لاہور ایک بہترین کلاسیکل رومانوی شہر ہے۔ دھند والے موسم کسی کو بھی بآسانی محبت ہوسکتی ہے۔
واضح رہے کہ اداکار فواد خان نے سال 2005 میں صدف فواد کے ساتھ شادی کی، جن سے ان کا ایک بیٹا اور بیٹیاں علائینا اور بیا ہیں۔ |
|
Post time 2025-11-24 19:42:16