برطانیہ نے غیر قانونی ہجرت روکنے کیلئے بھارت میں ویزا فراڈ مخالف مہم توسیع کر دی

slotcosino

  

برطانیہ نے بھارت میں ویزا فراڈ کے خلاف آگاہی مہم کو ریاست تامل ناڈو تک وسعت دے دی ہے۔

اس اقدام کا مقصد شہریوں کو دھوکے بازوں سے بچانا اور غیر قانونی ہجرت کی روک تھام ہے۔   
برطانیہ میں سیاسی پناہ کی پالیسی بدلنے سمیت بڑے منصوبے لا رہے ہیں، شبانہ محمود

برطانوی سیکرٹری داخلہ شبانہ محمود نے دعوی کیا ہے کہ غیر قانونی نقل مکانی کو جڑ سے اکھاڑ پھینکنے کیلئے سیاسی پناہ کے دعوﺅں کی پالیسی کو تبدیل کرنے سمیت دیگر بڑے منصوبوں کی نقاب کشائی کرنے جا رہے ہیں جس سے برطانیہ غیر قانونی مہاجرین سے محفوظ ہو جائے گا۔   

یہ اعلان اس وقت کیا گیا جب برطانوی وزیر برائے انڈو پیسیفک سیما ملہوترا بھارت کے دورے پر تھیں۔  

انہوں نے مشترکہ یوکے-انڈیا اقدامات کا جائزہ لیا، جن کا مقصد عوام کو مالی نقصان، استحصال اور ذہنی اذیت سے بچانا اور برطانیہ میں غیر قانونی داخلے کی کوششوں کو کم کرنا ہے۔

برطانیہ کی نئی ویزا فراڈ آگاہی مہم کے تحت تامل ناڈو میں تامل زبان میں واٹس ایپ چیٹ بوٹ متعارف کرایا جائے گا اور کمیونٹی انگیجمنٹ سیشنز بھی منعقد ہوں گے تاکہ عوام کو دھوکے بازوں کی پہچان اور مستند ویزا معلومات تک رسائی میں مدد مل سکے، یہ مہم بھارتی پنجاب میں جاری پائلٹ پروگرام کی کامیابی کے بعد شروع کی جا رہی ہے۔   
برطانیہ: امیگریشن کے نئے منصوبے کا اعلان

برطانوی پارلیمنٹ میں امیگریشن کے نئے منصوبے کا اعلان کردیا گیا۔   

مہم کی افتتاحی تقریب سے خطاب میں سیما ملہوترا نے کہا کہ آپ ہماری نئی واٹس ایپ چیٹ بوٹ سروس کا نمبر دیکھیں گے، یہ ایک ایسا ذریعہ ہے، جو ہر وقت دستیاب ہوگا، مستند برطانوی ویزا ڈپارٹمنٹ سے براہِ راست معلومات فراہم کرے گا تاکہ لوگ درست رہنمائی حاصل کر سکیں اور ویزا فراڈ کرنے والوں کی پہچان کر سکیں۔

انہوں نے مزید کہا کہ ہم چاہتے ہیں کہ پیغام بالکل واضح ہو محفوظ رہیں، اپنے خوابوں یا اپنی جمع پونجی کو خطرے میں نہ ڈالیں، ویزا فراڈ کرنے والے مجرموں اور اس سے پیدا ہونے والے تمام خطرات سے اپنے آپ کو بچائیں۔