اسرائیل کا شمالی مغربی کنارے میں بڑے پیمانے پر انسداد دہشت گردی آپریشن، جزوی کرفیو نافذ

slotcosino

  
فائل فوٹو

اسرائیلی فورسز نے شمالی مغربی کنارے میں بڑے پیمانے پر انسداد دہشت گردی آپریشن کا آغاز کردیا۔

اسرائیلی فوج کے مطابق مغربی کنارے کے شمالی علاقے سماریا میں بڑے پیمانے پر انسداددہشت گردی آپریشن شروع کر رہے ہیں، دہشت گردی کو جڑ پکڑنے نہیں دیں گے، اس کی روک تھام کے لیے پیشگی اقدامات کر رہے ہیں۔   
اسرائیل مغربی کنارے سے ہزاروں فلسطینیوں کو بے گھر کر رہا ہے: ہیومین رائٹس واچ

ہیومین رائٹس واچ نے بتایا ہے کہ اسرائیل ہزاروں فلسطینیوں کو بے گھر کر کے کیمپوں کی طرف دکھیل رہا ہے۔    

فلسطینی میڈیا آؤٹ لیٹ وفا کے مطابق اسرائیلی فورسز نے توباس، عقابہ اور تمّون میں کارروائیاں کیں، فورسز نے متعدد گھروں کی تلاشی لی اور ان کے سامان کو نقصان پہنچایا۔

وفا نے مزید بتایا کہ آپریشن کے دوران ہیلی کاپٹر وقتاً فوقتاً فائرنگ کرتے رہے، تاہم کسی کے زخمی ہونے کی اطلاع نہیں ملی، کارروائی کے دوران جزوی کرفیو نافذ کر دیا گیا تاکہ شہریوں کی نقل و حرکت محدود کی جا سکے۔