ہم چاہتے تھے کہ بھارتی کھلاڑی اننگز ڈکلیئریشن کیلئے ہم سے بھیک مانگیں: کوچ شکری کونارڈ

slotcosino

  اسکرین گریب

جنوبی افریقہ نے دوسرے ٹیسٹ میچ میں بھارت کو اس کی سرزمین پر شکست دے کر ناصرف 0-2 سے وائٹ واش کردیا بلکہ 25 سال بعد سیریز اپنے نام کر لی۔

گوہاٹی میں کھیلے گئے دوسرے ٹیسٹ میچ میں جنوبی افریقہ نے بھارت کو 408 سے ہرایا جس کے ساتھ ہی یہ بھارت کی ٹیسٹ کرکٹ میں رنز کے اعتبار سے سب سے بڑی اور پہلی مرتبہ 400 یا اس سے زائد رنز کی شکست بن گئی۔

گوہاٹی ٹیسٹ کے چوتھے روز جنوبی افریقہ نے غیر معمولی تاخیر کے ساتھ بھارت کو بیٹنگ پر لانے کی حکمتِ عملی اپنائی۔

میچ اپنے نام کرنے کے بعد جنوبی افریقہ کے ہیڈ کوچ شکری کونارڈ نے میڈیا سے گفتگو کے دوران کہا کہ ہم چاہتے تھے کہ بھارتی فیلڈرز کو تھکائیں۔

پریس کانفرنس کے دوران ایک بھارتی صحافی نے کونارڈ سے سوال کیا کہ ’اننگز تاخیر سے کیوں ڈکلیئر کی؟‘   
جنوبی افریقہ نے 25 سال بعد بھارت کو اس کی سرزمین پر ٹیسٹ سیریز میں شکست دے دی

دوسرے ٹیسٹ میچ میں جنوبی افریقہ کی جانب سے دیے گئے 549 رنز کے جواب میں بھارتی ٹیم اپنی ہی سرزمین پر 140 رنز بنا سکی۔   

اس کے جواب میں جنوبی افریقہ کے ہیڈ کوچ شکری کونارڈ نے کہا، ’ہم چاہتے تھے کہ بھارتی کھلاڑی ڈکلیئریشن کے لیے ہم سے بھیک مانگیں، ہمارے آگے گِڑگِڑائیں تاکہ اِن کے میچ جیتنے کا کوئی چانس باقی نہ رہے۔‘

انہوں نے واضح کیا کہ اِن کا مقصد ناصرف محفوظ برتری قائم کرنا تھا بلکہ حریف ٹیم پر دباؤ بڑھانا بھی تھا، جنوبی افریقہ ٹیم  نے جان بوجھ کر بیٹنگ کھینچی تاکہ بھارتی بولرز کو مزید تھکایا جا سکے اور انہیں گھٹنے ٹیکنے پر مجبور کیا جائے۔