|
|
 پاکستان بزنس کونسل کی چیئرپرسن ڈاکٹر زیلف منیر اسلام آباد میں منعقدہ ڈائیلاگ آن دی اکانومی 2025ء کی اختتامی تقریب سے خطاب کر رہی ہیں—ویڈیو گریب
پاکستان بزنس کونسل کی چیئرپرسن ڈاکٹر زیلف منیر نے کہا ہے کہ معاشی ترقی ٹیکس اصلاحات کے بغیر ممکن نہیں۔
اسلام آباد میں منعقدہ ڈائیلاگ آن دی اکانومی 2025ء کی اختتامی تقریب سے خطاب میں انہوں نے کہا کہ پاکستان کا معاشی مستقبل استحکام، اصلاحات اور ذمے دارانہ شراکت پر منحصر ہے۔
ڈاکٹر زیلف منیر کا کہنا ہے کہ کوئی بھی ادارہ اکیلا ترقی نہیں لا سکتا، ملک کے لیے معیشت کی دستاویزی شکل بہت ضروری ہے۔
2 روزہ ڈائیلاگ میں پاکستان کے سرمایہ کاری ماحول، توانائی اور معدنیات کے شعبوں میں اصلاحات، نج کاری، ادارہ جاتی بہتری اور ٹیکس انتظامیہ کی جدید سازی پر گفتگو ہوئی۔
اس موقع پر پاکستان بزنس کونسل نے نجی شعبے کے ساتھ تعمیری شراکت جاری رکھنے کا عزم دہرایا۔
تقریب میں گورنر اسٹیٹ بینک جمیل احمد، وفاقی وزیرِ خزانہ سینیٹر محمد اورنگ زیب، دیگر وفاقی وزراء اور نیشنل کوآرڈینیٹر ایس آئی ایف سی لیفٹیننٹ جنرل سرفراز احمد نے بھی شرکت کی۔ |
|
Post time