سری لنکا کے مختلف علاقوں میں بارشوں اور لینڈ سلائیڈنگ نے تباہی مچا دی۔
کولمبو حکام نے بتایا کہ ملک بھر میں ہونے والی لینڈ سلائیڈنگ اور سیلاب سے کم از کم 46 افراد ہلاک ہوچکے ہیں۔
سری لنکن ڈیزاسٹر مینجمنٹ اتھارٹی کے مطابق پہاڑی علاقوں میں 25 اموات رپورٹ ہوئیں جہاں لینڈ سلائیڈنگ کے نتیجے میں کئی گھر ملبے تلے دب گئے۔
حکام کے مطابق شدید لینڈ سلائیڈنگ کے باعث مسافر ٹرینوں کی آمد و رفت روک دی گئی ہے، جس سے ٹرانسپورٹ نظام درہم برہم ہو گیا ہے۔
انڈونیشیا میں سیلاب اور لینڈ سلائیڈنگ کی تباہ کاریاں، ہلاکتیں 84 تک پہنچ گئیں
حکام کے مطابق امدادی کارروائیاں جاری ہیں
وسطی سری لنکا میں لینڈ سلائیڈنگ کے نتیجے میں 21 افراد لاپتہ جبکہ 10 زخمی ہوئے ہیں، ریسکیو ٹیمیں متاثرہ مقامات پر امدادی کارروائیاں جاری رکھے ہوئے ہیں۔
شدید بارشوں کے باعث پانی گھروں میں داخل ہو گیا ہے جبکہ کئی سڑکیں مکمل طور پر زیر آب آ گئی ہیں، جس سے عام شہریوں کو شدید مشکلات کا سامنا ہے۔
حکام کے مطابق پانی کے ذخائر اور دریا ابل پڑے ہیں اور صوبوں کو ملانے والی متعدد اہم سڑکیں ڈوب گئی ہیں، جس کے باعث کئی علاقے بیرونی دنیا سے کٹ گئے ہیں۔
Post time 
تصویر: بین الاقوامی میڈیا 
