دو ڈچ کرکٹرز کے بعد ملاوی کپتان بھی ٹریننگ کیلئے لاہور قلندرز ہائی پرفارمنس سینٹر پہنچ گیا

slotcosino

  ---فائل فوٹو  

ملاوی کرکٹ ٹیم کا کپتان سمیع سہیل ٹریننگ کے لیے لاہور قلندرز ہائی پرفارمنس سینٹر پہنچ گیا۔

لاہور قلندرز کی انتظامیہ کے مطابق بیٹنگ آل راؤنڈر سمیع سہیل قلندرز ہائی پرفارمنس سینٹر میں تکنیکی بنیادوں پر کام کر رہے ہیں، سمیع سہیل اپنی پاور ہِٹنگ کو بہتر اور باؤلنگ اسپیڈ کو بڑھانے کے خواہشمند ہیں۔

قلندرز ہائی پرفارمنس سینٹر کے کوچز سمیع سہیل کے ساتھ ون آن سیشنز کر رہے ہیں۔

سمیع سہیل نے 2019ء میں انٹرنیشنل ٹی ٹوئنٹی کیریئر کا آغاز کیا تھا، وہ 66 ٹی ٹوئنٹی میچز میں ملاوی کی نمائندگی کر چکے ہیں۔   
لاہور قلندرز نے ہائی پرفارمنس سینٹر کی رسائی کو یونیورسٹیوں تک بڑھانے کا آغاز کر دیا

لاہور قلندرز نے اپنے قلندرز ہائی پرفارمنس سینٹر کے توسیعی منصوبے کا آغاز کر دیا ہے۔   

لاہور قلندرز کی انتظامیہ کے مطابق ملاوی کے سمیع سہیل سے قبل دو ڈچ کرکٹرز بھی قلندرز ہائی پرفارمنس سینٹر میں ٹریننگ کر رہے ہیں، قلندرز ہائی پرفارمنس سینٹر جدید ٹریننگ کی سہولتیں مہیا کر رہا ہے۔

لاہور قلندرز کی انتظامیہ کا کہنا ہے کہ مزید بین الاقوامی کھلاڑی بھی ٹریننگ سیشنز کے لیے رابطہ کر رہے ہیں۔