روسی صدر کے دورۂ بھارت میں دفاعی معاملات پر کوئی بڑا اعلان متوقع نہیں: بھارتی سیکرٹری دفاع

slotcosino

  —فائل فوٹو

بھارتی سیکریٹری دفاع راجیش کمار کا کہنا ہے کہ روسی صدر ولادیمیر پیوٹن کے دورۂ بھارت میں دفاعی معاملات پر کوئی بڑا اعلان متوقع نہیں ہے۔

غیر ملکی خبر رساں ادارے کے مطابق بھارتی سیکریٹری دفاع نے کہا کہ دورے کے دوران ایس400 سسٹم پر بھی کوئی پیشرفت متوقع نہیں ہے۔

راجیش کمار کا کہنا ہے کہ بھارتی حکومت روس کے ساتھ دفاعی تعاون کو آگے بڑھانے پر زور دے گی، بھارتی حکومت روس سے ایس400 سسٹم کی ترسیل میں تاخیر پر وضاحت مانگے گی۔   
آزاد خارجہ پالیسی کے دعوے دار بھارت نے امریکی دباؤ کے آگے گھٹنے ٹیک دیے

وزیر اعظم مودی کے قریبی ارب پتی مکیشن انبانی نے بھی امریکی حکم مان کر روسی تیل خریدنا بند کر دیا۔    

بھارتی سیکریٹری دفاع نے کہا کہ دورے کے دوران روسی صدر سے اضافی ایس 400 یونٹس کے آرڈر دینے پر بات ہو سکتی ہے، ہماری توجہ ہتھیاروں کی فراہمی میں تاخیر کو حل کرنے پر ہے۔

ان کا کہنا تھا کہ زیر التوا سپلائی کے لیے ٹائم لائنز حاصل کرنے پر بھی توجہ مرکوز کریں گے۔

بھارتی میڈیا کے مطابق روسی صدر ولادیمیر پیوٹن 4 سے 5 دسمبر کو بھارت کا دورہ کر یں گے۔