|
|
 —فائل فوٹوز
حکومتِ پاکستان نے ہانگ کانگ میں وانگ فوک کورٹ کی عمارت میں آتشزدگی پر اظہارِ افسوس کیا ہے۔
اپنے تعزیتی بیان میں ترجمان دفترِ خارجہ کا کہنا ہے کہ پاکستان نے چینی حکومت اور عوام سے قیمتی جانوں کے ضیاع پر ہمدردی اور تعزیت کی ہے۔
ترجمان کا مزید کہنا ہے کہ افسوس ناک واقعے میں زخمیوں کی جلد صحت یابی کےلیے دعا گو ہیں۔
یہ بھی پڑھیے
- ہانگ کانگ: عمارت میں آگ لگنے کا معاملہ، 8 افراد زیرِ حراست
- ہانگ کانگ: رہائشی کمپلیکس میں تاریخ کی بدترین آگ 128 زندگیاں نگل گئی
تعزیتی بیان میں ترجمان دفترِ خارجہ کا یہ بھی کہنا ہے کہ افسوس ناک واقعے پر چین کے ساتھ مکمل اظہارِ یکجہتی کرتے ہیں۔
واضح رہے کہ ہانگ کانگ کے ایک رہائشی کمپلیکس میں لگی تاریخ کی بدترین آگ بالآخر کئی گھنٹوں کی جدوجہد کے بعد بجھا دی گئی۔
آگ سے ہلاک ہونے والوں کی تعداد 128 تک جا پہنچی ہے جبکہ 79 افراد زخمی اور 200 سے زائد لاپتہ ہیں۔ |
|
Post time