دھرمیندر اور شتروگھن سنہا کی یادگار تصویر—بشکریہ بھارتی میڈیا
بالی ووڈ کے لیجنڈری اداکار دھرمیندر 89 برس کی عمر میں 24 نومبر کو انتقال کر گئے تھے، جس کے بعد فلم انڈسٹری کی متعدد شخصیات نے ان کی موت کو ایک دور کا اختتام قرار دیتے ہوئے تعزیت کا اظہار کیا ہے۔
بھارتی میڈیا کے مطابق آنجہانی دھرمیندر کے صاحبزادوں سنی دیول اور بوبی دیول نے اپنے والد کے لیے دعائیہ تقریب کا اہتمام کیا۔
سینئر اداکار شتروگھن سنہا نے دھرمیندر سے اپنے گہرے تعلقات کے باعث ان کی ممبئی میں واقع رہائش گاہ گئے، اور سوگوار خاندان سے ملاقات کی۔
جب ایشا دیول 30 سال بعد دھرمیندر کے گھر گئیں
24 نومبر کو لیجنڈری اداکار دھرمیندر چل بسے، میڈیا و سوشل میڈیا پر ان کے شاندار کیریئر کی یادیں تازہ کرنے کا سلسلہ جاری ہے، وہیں ان کی نجی زندگی اور دو خاندانوں کے درمیان توازن قائم رکھنے کا انوکھا انداز بھی ایک بار پھر زیرِ بحث ہے۔
اس حوالے سے شتروگھن سنہا نے اپنے سوشل میڈیا اکاؤنٹ ایکس پر دھرمیندر، ان کے بیٹوں سنی دیول اور بوبی دیول کے ساتھ تصاویر شیئر کرتے ہوئے جذباتی پیغام لکھا ہے کہ دہلی سے واپسی پر میں ایک بہت ہی سوگوار دل کے ساتھ اپنے سب سے پیارے خاندانی دوست، اپنے بڑے بھائی دھرمیندر کے گھر گیا، یہ ملاقات دل کو چھو لینے والی تھی اور میں ان کے شاندار بیٹوں سنی دیول اور بوبی دیول، بوبی کی اہلیہ تانیا، ان کے خوبصورت بیٹوں دھرم اور خاص طور پر آریامن سے ملا۔
انہوں نے لکھا کہ ہم نے دھرم جی کو ایک غیر معمولی اور قابلِ ذکر شخص کے طور پر یاد کیا، جنہوں نے بہت سی زندگیوں کو متاثر کیا اور وہ ہمیشہ زندہ رہیں گے۔
شتروگھن نے غم کے اس وقت میں دھرمیندر کے اہل خانہ کے لیے سکون کی دعا بھی کی۔
دھرمیندر کی اسپتال سے گھر واپسی پر ہیما مالنی کا جذباتی پیغام
بالی ووڈ کے 89 سالہ سینئر اداکار دھرمیندر کو ممبئی کے بریچ کینڈی اسپتال سے گھر لانے کے بعد ان کی اہلیہ، بھارتی اداکارہ و سیاستدان ہیما مالنی نے اداکار کی صحت کے بارے میں اپنے جذبات کا اظہار کیا ہے۔
دھرمیندر کی موت کے بعد ان کی اہلیہ ہیما مالنی نے بھی اپنے شوہر کو جذباتی خراجِ تحسین پیش کرتے ہوئے ایکس پر لکھا تھا کہ دھرم جی میرے لیے بہت کچھ تھے، محبت کرنے والے شوہر، ہماری 2 بیٹیوں ایشا اور آہانہ کے پیارے والد، دوست، فلسفی، رہنما، ضرورت کے ہر وقت میرا سہارا، حقیقت میں وہ میرے لیے سب کچھ تھے۔
واضح رہے کہ دھرمیندر کی آخری فلم ’اکیس‘ ہو گی، جس میں وہ اگستیا نندا کے ساتھ اسکرین پر نظر آئیں گے۔
Post time 2025-11-30 04:24:09
دھرمیندر اور شتروگھن سنہا کی یادگار تصویر—بشکریہ بھارتی میڈیا 
