بھارتی کانگریس کے سینئر رہنما راہول گاندھی اور ان کی والدہ سونیا گاندھی کے خلاف نیشنل ہیرالڈ منی لانڈرنگ کیس میں مجرمانہ سازش کے الزامات کے تحت مقدمہ درج کر لیا گیا۔
دہلی پولیس کی اکنامک آفینسز ونگ （ای او ڈبلیو） نے ایک نئی ایف آئی آر میں دونوں رہنماؤں سمیت 6 افراد کو نامزد کیا ہے۔
ایف آئی آر میں سم پٹروڈا Sam Pitroda اور 3 دیگر افراد کے نام شامل ہیں، جبکہ تین کمپنیاں ایسوسی ایٹڈ جرنلز لمیٹڈ （اے جے ایل）، ینگ انڈین اور ڈوٹیکس مرچنڈائز پرائیویٹ لمیٹڈ بھی الزامات کی زد میں ہیں۔
درج شدہ الزامات کے مطابق ملزمان پر ایسوسی ایٹڈ جرنلز لمیٹڈ پر دھوکا دہی کے ذریعے قبضہ کرنے کی مجرمانہ سازش کا الزام عائد کیا گیا ہے، اے جے ایل وہ کمپنی ہے جس کے زیرِ انتظام کبھی نیشنل ہیرالڈ اخبار شائع ہوتا تھا۔
بھارت: راہول گاندھی گرفتاری کے بعد رہا
انڈین کانگریس دلی میں الیکشن کمیشن کی طرف مارچ کر رہی تھی۔
رپورٹ کے مطابق کولکتہ کی مبینہ شیل کمپنی ڈوٹیکس مرچنڈائز نے ینگ انڈین کو ایک کروڑ روپے فراہم کیے، جس کے بعد ینگ انڈین نے 50 لاکھ روپے کانگریس کو ادا کیے اور اے جے ایل پر کنٹرول حاصل کر لیا، اس وقت اے جے ایل کے اثاثوں کی مالیت تقریباً 2000 کروڑ روپے تھی۔
ایف آئی آر 3 اکتوبر کو انفورسمنٹ ڈائریکٹوریٹ （ای ڈی） کی شکایت کی بنیاد پر درج کی گئی ہے، جس نے اپنی تحقیقاتی رپورٹ دہلی پولیس کے حوالے کی تھی۔
واضح رہے کہ گزشتہ روز دہلی کی عدالت نے نیشنل ہیرالڈ کیس کے فیصلے کا اعلان 16 دسمبر تک مؤخر کیا تھا۔
Post time 
