قومی ایئر لائن کی نجکاری کا معاملہ، کمپنیوں کو تازہ صورتحال سے آگاہ کر دیا گیا

slotcosino

  —فائل فوٹو

قومی ایئر لائن کی نجکاری کے معاملے پر نجکاری میں شامل چاروں کمپنیوں کو نجکاری کمیشن نے تازہ صورتِ حال سے آگاہ کر دیا۔

ذرائع کے مطابق قومی ایئر لائن کی نجکاری کے لیے بولی 10 سے 15 دسمبر کے درمیان ہونے کی اُمید ہے، قومی ایئر لائن کی جانب سے یومیہ 70 پروازیں چلائی جاتی ہیں۔

قومی ایئر لائن کی جانب یومیہ 45 بین الاقوامی اور 25 ڈومیسٹک فلائٹ چلائی جا رہی ہیں جبکہ قومی ایئر لائن کے 34 طیارے ہیں ان میں صرف 18 آپریشنل ہیں۔   
وزیراعظم کی قومی ایئر لائن کی نجکاری کے مراحل شفاف طریقے سے مکمل کرنے کی ہدایت

وزیراعظم نے قومی ایئر لائن کی نجکاری کے تمام مراحل تیز اور شفاف طریقے سے مکمل کرنے کی ہدایت کی۔   

قومی ایئر لائن اس وقت 18 انٹرنیشنل روٹس پر پروازیں چلا رہی ہے، قومی ایئر لائن 13 ڈومیسٹک روٹس پر پروازیں کو چلا رہی ہے۔

ذرائع کا کہنا ہے کہ جنوری سے جون 2025 کے 6 ماہ میں قومی ایئر لائن کو 112 ارب روپے کی آمدنی ہوئی، قومی ایئر لائن کے پاس مجموعی طور 9 ہزار 500 ملازمین ہیں۔

قومی ایئر لائن میں ساڑھے 6 ہزار مستقل اور 3 ہزار کنٹریکٹ اور ڈیلی ویجز ملازمین ہیں، خریداری میں شامل کمپنیاں ایئر لائن ملازمین کے مستقبل سے متعلق کوئی فیصلہ نہ کر سکیں۔

ذرائع کے مطابق قومی ایئر لائن لندن اور برمنگھم کے لیے بھی جلد پروازیں شروع کرے گی، حکومت قومی ایئر لائن کے 51 تا 100 فیصد شیئرز فروخت کرنے کا ارادہ رکھتی ہے۔