عالمی دہشت گرد تنظیم داعش کی معاونت کے الزام میں امریکی ریاست ورجینیا سے افغان باشندے کو گرفتار کرلیا گیا۔
امریکی جریدہ کے مطابق افغان باشندے جان شاہ صفی کو کل امیگریشن کسٹم انفورسمنٹ نے گرفتار کیا۔
ملزم پر الزام ہے کہ اس نے افغانستان میں اپنے والد کو اسلحہ پہنچایا جو داعش کا کمانڈر ہے، ملزم 2021 میں بائیڈن انتظامیہ کے الائیز ویلکم پروگرام میں امریکا پہنچا تھا۔
امریکی شہر ڈیلاویئر میں گرفتار شخص پاکستانی نہیں ہے: دفتر خارجہ
ترجمان دفتر خارجہ کا کہنا ہے کہ امریکی شہر ڈیلاویئر میں گرفتار شخص پاکستانی نہیں ہے۔ امریکا میں گرفتار لقمان خان افغان ہے
اس سے قبل امریکی شہر ڈیلاویئر میں 25 برس کے افغان شہری لقمان خان کو گرفتار کرکے ملزم کی گاڑی اور گھر سے بھاری اسلحہ اور گولہ بارود برآمد کیا گیا۔
ملزم نے ڈیلاویئر یونیورسٹی کے پولیس ڈیپارٹمنٹ پر حملے کا منصوبہ بنایا تھا، ملزم کے قبضے سے حملے کی منصوبہ بندی کے نوٹس بھی برآمد ہوئے ہیں۔
ملزم پر غیر قانونی مشین گن رکھنے اور حملے کی منصوبہ بندی کا الزام 26 نومبر کو عائد کیا گیا، ملزم کو11 دسمبر کو عدالت میں پیش کیا جائے گا۔
Post time 2025-12-4 20:51:29
--جان شاہ صفی - فائل فوٹو 
