بانی پی ٹی آئی کی بہن علیمہ خان نے کہا ہے کہ ان کے غیر ملکی میڈیا کو دیے گئے انٹرویو کو غلط طریقے سے پیش کیا گیا، حکومت کی جگ ہنسائی ہماری وجہ سے نہیں ان کی اپنی غلط پالیسیوں کے باعث ہو رہی ہے۔
راولپنڈی میں انسداد دہشت گردی عدالت کے باہر میڈیا سے گفتگو میں انہوں نے کہا کہ بانی پی ٹی آئی کو قید تنہائی میں رکھا گیا ہے، ہمارا احتجاج تب تک جاری رہے گا جب تک بانی کی قید تنہائی ختم نہیں ہوتی۔
بانی پی ٹی آئی کی بہن عظمیٰ خان کو ملاقات کی اجازت مل گئی
عظمیٰ خان کو بانی پی ٹی آئی سے ملاقات کی اجازت سے متعلق آگاہ کر دیا گیا۔
علیمہ خان نے کہا کہ بانی کو ہفتے میں 2 بار وکلا، فیملی اور سیاسی رفقاء سے ملنے کی اجازت ہے، بانی کو قانونی حق ہے کہ ان کی ملاقاتیں جارہی رہنی چاہئیں۔
ان کا مزید کہنا تھا کہ منگل کے روز میری صرف ایک بہن کو ملنے کی اجازت دی گئی، ہماری عدالتوں میں شنوائی بھی نہیں ہو رہی۔
Post time 2025-12-4 22:03:08
