|
|
 خالدہ ضیا（فائل فوٹو）۔
بنگلادیش کی سابق وزیراعظم خالدہ ضیا کو بہتر علاج کیلئے لندن منتقل کرنے کا فیصلہ کیا گیا ہے۔
80 سالہ خالدہ ضیا کو 23 نومبر کو دل اور سینے کے انفیکشن کی تکلیف کے باعث ڈھاکا کے مقامی اسپتال منتقل کیا گیا تھا، وہ اس وقت سی سی یو وارڈ میں داخل ہیں۔
بنگلادیشی اخبار کے مطابق خالدہ ضیا کے ذاتی معالج زاہد حسین نے کہا ہے کہ خالدہ ضیا کو کل صبح ایئر ایمبولینس کے ذریعے براستہ قطر، لندن منتقل کیا جائے گا۔
میڈیکل بورڈ نے خالدہ ضیا کے بہترعلاج کیلئے لندن روانگی کی منظوری دے دی ہے، خالدہ ضیا کے ہمراہ ان کی جماعت کے عبوری سربراہ طارق رحمان کی اہلیہ ڈاکٹر زبیدہ رحمان لندن روانہ ہونے کیلئے کل صبح بنگلادیش پہنچیں گی۔
خالدہ ضیا کے ایڈوائزر انعام الحق چوہدری کا کہنا ہے کہ خالدہ ضیا کی علاج کیلئے لندن منتقلی میں ان کے ایک ایڈوائزر، ان کی بہو، سات ڈاکٹر، دو اسپیشل فورس کے ارکان اور ان کی پارٹی کے عبوری سربراہ کے معاون بھی انکے ہمراہ روانہ ہوں گے۔ |
|
Post time 2025-12-5 01:24:38