|
|
 -- فائل فوٹو
ویمن ٹینس پلیئرز نے ایک بار پھر کمائی میں دیگر ایتھلیٹس کو پیچھے چھوڑ دیا ہے۔ ٹینس اسٹار کوکو گوف سب سے زیادہ کمانے والے ایتھلیٹ بن گئیں۔
ویمن پلیئرز 2025 میں زیادہ کمانے والی ایتھلیٹس کی تفصیلات سامنے آگئیں، امریکی میڈیا کے مطابق ٹینس اسٹار کوکو گوف رواں برس سب سے زیادہ کمانے والے ایتھلیٹ قرار پائیں۔
کوکو گوف نے رواں سال 31 ملین امریکی ڈالرز کمائے، کوکو گوف کو 8 ملین ڈالرز پرائز منی جبکہ 23 ملین ڈالرز اسپانسر شپ اور دیگر معاہدوں سے ملے۔ 
ٹینس اسٹار ارینا سبالنکا نے رواں سال 30 ملین ڈالرز کمائے، ارینا سبالنکا کو 15 ملین ڈالرز پرائز منی جبکہ باقی معاہدوں سے ملے۔
اسی طرح ومبلڈن چیمپئن ایگا شویٹک نے 23.1 ملین ڈالرز کمائے، انہوں نے 10.1 ملین ڈالرز پرائز منی اور 13 ملین ڈالرز معاہدوں سے کمائے۔
امریکی میڈیا کے مطابق کوکو گوف لگاتار تیسرے برس سب سے زیادہ کمانے والی ویمن ایتھلیٹ قرار پائی ہیں۔
اب تک صرف 4 ویمن ایتھلیٹس سال میں 30 ملین ڈالرز کما چکی ہیں، جس میں کوکو گوف، ارینا سبالنکا، نومی اوساکا اور سرینا ولیمز شامل ہیں۔
اسی طرح سب سے زیادہ کمانے والی 15 ایتھلیٹس میں 10 ٹینس پلئیرز شامل ہیں جبکہ 10 زیادہ کمانے والی ایتھلیٹس میں 7 ڈبلیو ٹی اے پلئیرز ہیں۔ فری اسٹائل اسکائیر ایلین گو نے 23 ملین ڈالرز کمائے۔ |
|
Post time 2025-12-5 16:21:58