فلائٹ منسوخ ہوگئی، پریشان حال مسافروں نے ایئرپورٹ پر ہی موسیقی کی محفل سجادی

slotcosino

  اسکرین گریب / انسٹاگرام  

ممبئی ایئرپورٹ پر پروازوں کی مسلسل منسوخی اور تاخیر کے باعث جہاں مسافر پریشان نظر آرہے ہیں، وہیں ایک مسافر نے پاکستانی گلوکار عاطف اسلم کا مشہور گانا ’وہ لمحے‘ گا کر کشیدہ ماحول کو خوشگوار بنادیا۔

بھارتی نجی ایئر لائن انڈیگو کی مسلسل منسوخیوں اور طویل تاخیر کے باعث ملک بھر میں مسافروں کی پریشانی جاری ہے، لیکن ممبئی ایئرپورٹ پر پھنسے ایک مسافر نے اس کشیدہ ماحول کو ایک خوشگوار لمحے میں بدل دیا۔

گلوکار زین رضا نے انسٹاگرام پر ایک ویڈیو شیئر کی جس میں وہ ویٹنگ ایریا میں بیٹھے گٹار بجانے کے ساتھ ساتھ  2000 کی دہائی کا مقبول گانا ’’وہ لمحے‘‘ گا رہے ہیں۔

ویڈیو میں دیکھا جاسکتا ہے کہ آس پاس بیٹھے مسافر موسیقی سے لطف اندوز ہورہے ہیں جبکہ بعض اس لمحے کو اپنے فون پر ریکارڈ کرتے ہیں۔   
بھارت: فلائٹ منسوخ ہونے پر دولہا دلہن تقریب میں نہ پہنچ سکے، آن لائن شرکت

مہمان پہلے ہی جمع ہو چکے تھے، اس لیے خاندان نے تقریب جاری رکھنے کا فیصلہ کیا۔ ہال میں اسکرین نصب کی گئی اور استقبالیہ ورچوئل انداز میں منعقد ہوا، جس میں میھا اور سنگم ویڈیو کانفرنس کے ذریعے شریک ہوئے۔   

زین رضا نے مزاحیہ انداز میں کیپشن لکھا کہ چونکہ ان کی پرواز میں تاخیر ہو گئی تھی، اس لیے انہوں نے ’’لائیو کنسرٹ‘‘ شروع کر دیا۔

انہوں نے مزید لکھا کہ ’’انڈیگو نے ڈیلے دیا، میں نے میلوڈی‘‘ جبکہ ممبئی سے پٹنہ کا سفر ’’ممبئی سے پتا نہیں کب جائیں گے‘‘ بن گیا۔

زین رضا کی یہ ویڈیو چند ہی گھنٹوں میں وائرل ہو گئی اور اب تک کئی لاکھ ویوز اور ہزاروں لائکس حاصل کر چکی ہے۔  

صارفین نے اس محفل کو ’’اُداس ماحول میں خوشگوار تبدیلی‘‘ قرار دیا۔

خیال رہے کہ بھارتی ایئر لائن انڈیگو کی وسیع پیمانے پر پروازوں کی منسوخی اور تاخیر کے باعث مسافروں کی پریشانی بدستور بڑھ رہی ہے۔