پاکستان کی عائد فضائی حدود کی پابندیوں کے بعد بھارتی ایئر لائن کو خسارے کا سامنا

slotcosino

  فوٹو بشکریہ غیر ملکی میڈیا

پاکستان کی عائد فضائی حدود کی پابندیوں کے بعد بھارتی ایئر لائن کو خسارے کا سامنا کرنا پڑ رہا ہے۔

ترک عالمی نشریاتی ادارہ ٹی آر ٹی کے مطابق بھارتی ایئر لائن انڈیگو نے 500 پروازیں منسوخ کر دیں، بدانتظامی اور ناقص منصوبہ بندی نے بھارتی ایئر لائن کو شدید بحران میں دھکیل دیا ہے۔

ٹی آر ٹی کا کہنا ہے کہ 4 روز سے جاری بحران نے بھارتی ایئر لائن کا پورا نیٹ ورک مفلوج کر دیا ہے۔ ممبئی میں 104، بنگلورو میں 102 اور حیدرآباد میں 92 پروازیں منسوخ ہوئی ہیں۔   
بھارت میں فلائٹ آپریشن مفلوج ہونے سے ایج گروپ کرکٹرز رل گئے

بھارتی میڈیا کے مطابق فلائٹس منسوخ ہونے کی وجہ سے ڈومیسٹک ایج گروپ کرکٹرز ایئر پورٹس پر پھنس گئے ہیں   

ترک عالمی نشریاتی ادارہ نے کہا کہ حکومتی اعداد و شمار کے مطابق ایئر لائن کی بروقت پرواز کی شرح 8.5 فیصد رہ گئی۔

بھارتی ایئر لائن اندرون ملک فضائی آپریشن میں 60 فیصد سے زائد حصہ رکھتی تھی۔