بانی پی ٹی آئی سے آج وکلاء اور فیملی کی ملاقات کا دن ہے، اس سلسلے میں اڈیالہ جیل کے اطراف سیکیورٹی ہائی الرٹ کر دی گئی ہے۔
پولیس کی اضافی نفری تعینات کر دی گئی ہے، دفعہ 144 کی خلاف ورزی کرنے والوں سے سختی سے نمٹنے کا فیصلہ کیا گیا ہے۔
پولیس نے گورکھپور اور داہگل میں بازار بند کروا دیا ہے جبکہ واٹر کینین اور قیدی وینز بھی جیل کے باہر پہنچا دی گئی ہیں۔
امن و امان کی صورتحال کے پیش نظر اڈیالہ جیل کے اطراف سیکیورٹی ہائی الرٹ
پولیس ذرائع کے مطابق اڈیالہ جیل روڈ پر 5 اضافی پکٹس قائم کردی گئی ہیں، داہگل ناکہ، گیٹ ون، گیٹ 5، فیکٹری ناکہ اور گورکھ پور پر اضافی نفری تعینات رہے گی۔
دوسری جانب بیرسٹر گوہر خان، سلمان اکرم راجہ اور انتظار پنجوتھا سمیت 6 وکلاء اور علیمہ خان، عظمیٰ خان اور نورین نیازی اڈیالہ جیل جائیں گی۔
اپوزیشن اتحاد کی پارلیمانی پارٹی اجلاس میں فیصلہ کیا گیا کہ آج کوئی ورکر اڈیالہ جیل نہیں جائے گا۔
Post time 2025-12-9 18:30:16
