بھارتی آل راؤنڈر ہارڈک پانڈیا نے اپنی گرل فرینڈ مہیکا شرما کی ویڈیو بنانے پر پاپارازی کو آڑے ہاتھوں لیا اور سوشل میڈیا پر سخت ردِعمل دیا۔
کرکٹر نے کہا کہ مہیکا کی جس زاویے سے ویڈیو بنائی گئی، وہ انتہائی غیر اخلاقی اور حد پار کرنے کے مترادف ہے۔
ہارڈک پانڈیا نے انسٹاگرام اسٹوری میں لکھا کہ ’میں سمجھتا ہوں کہ عوامی زندگی میں رہنے کے باعث توجہ اور تنقید کا سامنا کرنا پڑتا ہے، یہ میرے منتخب کردہ راستے کا حصہ ہے، لیکن آج جو ہوا وہ حد پار کر گیا۔‘
انہوں نے کہا لہ مہیکا صرف باندرہ کے ایک ریسٹورنٹ کی سیڑھیاں اتر رہی تھی کہ پاپارازی نے اسے ایسے زاویے سے ریکارڈ کیا جس کی کوئی عورت مستحق نہیں، ایک نجی لمحے کو سستی سنسنی خیزی میں بدل دیا گیا۔
ہارڈک پانڈیا کی گرل فرینڈ مہیکا شرما کیساتھ سالگرہ مناتے تصاویر وائرل، صارفین کی سخت تنقید
بھارتی کرکٹ ٹیم کے آل راؤنڈر ہارڈک پانڈیا نے اپنی 32ویں سالگرہ نئی گرل فرینڈ، ماڈل مہیکا شرما کے ساتھ منائی ہے جس کی تصاویر سوشل میڈیا پر وائرل ہیں۔
مزید لکھتے ہوئے انہوں نے میڈیا سے حدود کا احترام کرنے کی درخواست کی۔
ان کا کہنا تھا کہ یہ خبر یا تصویری مقابلے کی بات نہیں، یہ بنیادی عزت و وقار کا مسئلہ ہے، خواتین عزت کی مستحق ہیں، ہر شخص کی اپنی حدود ہونی چاہیے، میڈیا کے ان بھائیوں سے جو روز سخت محنت کرتے ہیں، میں آپ کی جدوجہد کی قدر کرتا ہوں، لیکن درخواست ہے کہ ذرا سوچ سمجھ کر کام کریں، ہر چیز کی تصویر ضروری نہیں، ہر زاویہ لینا ضروری نہیں، اس میں کچھ انسانیت رہنے دیں۔
Post time 2025-12-9 21:06:29
فائل فوٹو 
