وزیرِ اعظم محمد شہباز شریف کا کہنا ہے کہ وفاقی حکومت نیب کے ذریعے سیاسی انتقام پر یقین نہیں رکھتی، مالی بد عنوانی کے خاتمے کے لیے نیب کی کاوشیں قابلِ تحسین ہیں۔
انسداد بدعنوانی کے عالمی دن کی مناسبت سے وزیر ِاعظم ہاؤس میں تقریب ہوئی جس میں وزیرِ اعظم شہباز شریف نے بطور مہمانِ خصوصی شرکت کی۔
تقریب سے خطاب میں انہوں نے کہا کہ نیب کی کامیاب کارروائیوں پر چیئرمین نیب اور تمام ٹیم خراجِ تحسین کی مستحق ہے۔
نیب نے سندھ سے متعلق 166 کیسز اینٹی کرپشن سندھ کو منتقل کر دیے
نیب کی جانب سے منتقل ہونے والے کیسز میں محکمہ ریونیو، خصوصی تعلیم سے متعلق بھی ہیں۔
وزیرِ اعظم محمد شہباز شریف نے کہا کہ شفافیت سے کام جاری رکھنے کے لیے نیب کو مکمل ادارہ جاتی آزادی حاصل ہے۔
ان کا کہنا ہے کہ پاکستان مالیاتی بدعنوانی کے خاتمے کے لیے اقدامات کو مزید منظم انداز میں جاری رکھے گا، پاکستانی نوجوان ہمارا قیمتی اثاثہ، پُرامن، خوش حال اور ترقی یافتہ مستقبل کی ضمانت ہیں۔
وزیرِ اعظم نے کہا کہ مالی بدعنوانی سے پاک معاشرہ ہی ملکی ترقی، خوش حالی اور عوامی اعتماد کو یقینی بناتا ہے، حکومتی منصوبوں میں مالی، انتظامی اور ادارہ جاتی شفافیت کو یقینی بنانا حکومت کی ترجیحات میں شامل ہے۔
Post time 2025-12-10 00:59:59
وزیرِ اعظم محمد شہباز شریف—فائل فوٹو 
