امریکی ریاست ٹینیسی میں ایک کرسمس تھیم والے اسٹور میں ہرن اچانک گھس آیا اور دکان میں ادھر اُدھر دوڑتا پھرنے کے بعد ایک کرسی میں پھنس گیا، جس کے بعد پولیس نے اسے محفوظ طریقے سے باہر نکال دیا۔
ہولیس کے مطابق ایک اسٹور میں ہرن کے داخل ہونے کی اطلاع پر اہلکار فوری موقع پر پہنچے اور صورتحال کو قابو میں کیا۔
پولیس نے مزاحیہ انداز میں بتایا کہ ہرن نے اسٹور کے اندر آکر شاندار دورہ کیا سجاوٹ دیکھی، گارلینڈ کا معائنہ کیا اور اسٹور کے اندر ہی خوب دوڑ بھی لگائی۔
پولیس کا کہنا ہے کہ ہرن اسٹور میں ادھر سے اُدھر بھاگتے ہوئے ایک کرسی کے نچلے حصے میں پھنس گیا، جس کے باعث افسران نے اسے کھینچ کر باہر نکال لیا، آزاد ہوتے ہی وہ فوراً اسٹور سے باہر جنگل کی جانب بھاگ گیا۔
ورجینیا: اسٹور میں راکون کے ہاتھ شراب کی بوتل لگ گئی، واقعے کی تصاویر وائرل
راکون کی حرکتوں نے دکان میں افراتفری مچا دی تھی
اسٹور کی مرچنڈائزر لیزا میلینکون کے مطابق یہ واقعہ غیر متوقع تھا، ملازمین کو یقین ہی نہیں آ رہا تھا۔
انہوں نے ہسنتے ہوئے کہا کہ آخر وہ بھی تو کرسمس کے تحائف خریدنے آیا ہوگا، اسے معلوم تھا بہترین چیزیں کہاں ملتی ہیں۔
Post time 2025-12-10 17:15:22
تصویر:بین الاقوامی میڈیا 
