یوٹیوبر اور ٹک ٹاکر رجب بٹ نے کہا ہے کہ مجھے ڈی پورٹ نہیں کیا گیا، ڈی پورٹ ہوکر انسان بزنس کلاس میں واپس نہیں آتا، میرا ویزا کینسل ہوا ہے، ہوم آفس میں درخواست کی گئی کہ میرے اوپر کیسز ہیں۔
اسلام آباد ہائی کورٹ میں میڈیا سے گفتگو کرتے ہوئے رجب بٹ نے کہا کہ میرا 10 سال کا ویزا تھا، وکیل نے ریویو کیا ہے، اِی سی ایل میں نام سدا بہار نہیں ہے۔
رجب بٹ اور ندیم نانی والا اسلام آباد ہائیکورٹ میں پیش، حفاظتی ضمانت منظور
جسٹس انعام امین منہاس نے کہا کہ 10 دن کی حفاظتی ضمانت دے رہے ہیں، متعلقہ عدالت سے رجوع کرلیں۔
انہوں نے کہا کہ جب تک کیس چل رہا ہے تب تک پاکستان میں ہوں، وزٹ کے لیے کبھی بھی باہر جانا پڑ سکتا ہے لیکن رہنا پاکستان میں ہی ہے۔
اس موقع پر ندیم نانی والا نے میڈیا سے گفتگو میں کہا کہ میرا ویزا ختم نہیں کیا گیا میرے پاس سٹیزن شپ ہے، میرے اوپر دو ایف آئی آرز درج ہیں۔
انہوں نے کہا کہ اسلام آباد ہائی کورٹ سے ضمانت لی ہے، اب آگے کیس کو پروسیڈ کریں گے، جب وقت آئے گا سب کچھ بتائیں گے۔
Post time 2025-12-10 20:30:30
فائل فوٹو 
