بی ٹی پراپرٹیز کا دبئی مارکیٹ میں کامیاب 1 سال مکمل ہونے پر تقریب، ملک ریاض اور اہلِ خانہ کی خصوصی شرکت

slotcosino

دبئی کے علاقے سٹی واک میں واقع کوکا کولا ایرینا میں بی ٹی پراپرٹیز نے اپنی دبئی مارکیٹ میں کامیابی کا ایک سال مکمل ہونے پر شاندار تقریب منعقد کی۔

تقریب میں بحریہ ٹاؤن کے بانی ملک ریاض حسین، ان کی اہلیہ بینا ملک ریاض اور اہلِ خانہ نے بی ٹی پراپرٹیز دبئی کو نئی بلندیوں تک پہنچانے کے عزم کے ساتھ خصوصی شرکت کی۔

تقریب کے دوران کمپنی نے اپنے نئے ڈیزائن کردہ سیلز سینٹر کے افتتاح اور مکمل طور پر فرنشڈ ماڈل اپارٹمنٹس کی نمائش کا بھی اعلان کیا۔   
—ویڈیو گریب

گروپ کے چیف ایگزیکٹیو آفیسر علی ریاض ملک نے تقریب سے خطاب کرتے ہوئے 2026ء کے آغاز میں پریمیئم کمرشل آفس اسپیسز اور جدید 4 بیڈ روم ولاز لانچ کرنے کا اعلان کیا۔

تقریب کی خاص بات عالمی شہرت یافتہ موسیقی بینڈ Maroon 5 کی لائیو پرفارمنس تھی، جس نے شرکاء کو خوب محظوظ کیا۔   
—ویڈیو گریب

اس موقع پر سرکاری حکام، عالمی سرمایہ کاروں اور رئیل اسٹیٹ ماہرین نے بڑی تعداد میں شرکت کی۔

کمپنی کے فلیگ شپ منصوبے ’وعدہ‘ کو دبئی ساؤتھ میں ایک جدید، ماحول دوست اور کمیونٹی پر مبنی رہائشی منصوبہ قرار دیا گیا، یہ منصوبہ 27 مئی کو لانچ کیا گیا تھا، جبکہ اس کا پہلا مرحلہ صرف ایک ہفتے میں مکمل طور پر فروخت ہو گیا۔   
—ویڈیو گریب

بی ٹی پراپرٹیز کے مطابق تعمیراتی کام شیڈول سے بھی تیز رفتار سے جاری ہے، خریداروں کو باقاعدگی سے ڈیجیٹل پیش رفت رپورٹس فراہم کی جا رہی ہیں۔

منصوبے میں جدید ٹاؤن ہاؤسز، لگژری اپارٹمنٹس اور پرتعیش ولاز شامل ہیں، جبکہ تعلیمی ادارے، طبی سہولتیں، ریٹیل زون اور اسپورٹس ایریاز بھی منصوبے کا حصہ ہیں۔

تقریب کا اختتام شاندار میوزیکل شو کے ساتھ کیا گیا۔