ڈپٹی چیئرمین سینیٹ سیدال خان ناصر نے کہا ہے کہ میں نے سینیٹ اجلاس میں بطور قائم مقام چیئرمین رولنگ دی، میری رولنگ کسی سیاسی جماعت یا فرد کے خلاف نہیں۔
میڈیا سے گفتگو کرتے ہوئے ڈپٹی چیئرمین سینیٹ نے کہا کہ جمہوری انداز سے پارلیمنٹ کے اندر بات کی جائے، ہم نے سینیٹ کو آئین اور قانون رولز کی روح کے مطابق چلانا ہے۔
انہوں نے کہا کہ ہم نے سینیٹ میں تمام پارلیمانی لیڈرز کو خطوط ارسال کیے ہیں، اس حوالے سے کوئی سمجھوتا نہیں کیا جائے گا۔
عمران سے ملاقات نہ کرانے پر تحریک انصاف کا سینیٹ میں احتجاج
اسلام آباد سینٹ اجلاس کے دوران پی ٹی آئی کے...
سیدال خان ناصر نے کہا کہ سینیٹ میں تصویر اور بینرز نہ لائے جائیں، سینیٹ کے ڈیکورم کو خراب نہ کیا جائے، سینیٹ میں جمہوریت، آئین اور قانون کی بالادستی کے لیے بات کی جائے۔
ان کا مزید کہنا تھا کہ جتھے لانا یا لشکر کشی کرانا، یہ سینیٹ میں نہیں ہو سکتا، آج ہم حکومتی بینچز پر بیٹھے ہیں تو کل کوئی اور جماعت بیٹھے گی۔ ہمیں پارلیمنٹ کے اندر بھی جمہوری انداز سے بات کرنی چاہیے۔
Post time 2025-12-12 20:36:45
فائل فوٹو 
