|
|
 اسامہ حمدان—فائل فوٹو
حماس کے سینئر رہنما اسامہ حمدان نے کہا ہے کہ اسرائیل کے خلاف مزاحمت تمام فلسطینی عوام کی خواہش ہے، آئندہ مرحلے میں دنیا حماس کا مضبوط انتظامی ڈھانچہ دیکھے گی۔
عرب میڈیا کے مطابق غزہ سے جاری کیے گئے بیان میں انہوں نے کہا ہے کہ حماس میں اختلافات کی من گھڑت باتوں کے پیچھے اسرائیل ہے، اسرائیلی جرائم کو مزاحمت سے جوڑنا غاصبانہ قبضے کے لیے ہے۔
اسامہ حمدان نے کہا کہ قابض اسرائیلی حکومت تمام فلسطینیوں کی دشمن ہے، غزہ جنگ بندی سے اب تک 400 سے زائد فلسطینی اسرائیلی فورسز کے ہاتھوں شہید ہوئے۔
انہوں نے کہا کہ اسرائیل غزہ کی پٹی میں امداد اور انفرااسٹرکچر کی بحالی میں رکاوٹیں کھڑی کر رہا ہے، حماس کو اسرائیل کی مسلسل خلاف ورزیوں پر ردِعمل کا مکمل حق حاصل ہے۔
اسامہ حمدان نے کہا کہ غزہ میں جنگ بندی کا خاتمہ بین الاقوامی ضمانتوں کی ناکامی ہو گی، حماس اسرائیلی خلاف ورزیوں کے حوالے سے ثالث ممالک قطر، ترکیہ اور مصر کے ساتھ رابطے میں ہے۔ |
|
Post time 2025-12-16 03:15:06