ارجنٹینا کے عالمی شہرت یافتہ فٹبالر لیونل میسی آج کل بھارت کے دورے پر ہیں اور اس دوران بھارت سے ان کی کئی مشہور بھارتی شخصیات کے ساتھ ملاقاتوں کی تصاویر اور ویڈیوز سوشل میڈیا پر وائرل ہو رہی ہیں۔
حال ہی میں سوشل میڈیا پر لیونل میسی کی کرینہ کپور اور ان کے بیٹوں تیمور اور جہانگیر کے ساتھ ملاقات کی ویڈیو سوشل میڈیا پر وائرل ہوئی ہے۔
شاہ رخ خان کی کولکتہ میں لیجنڈری فٹبالر لیونل میسی سے ملاقات
بالی ووڈ سپر اسٹار شاہ رخ خان نے ہفتے کو عالمی شہرت یافتہ فٹبالر اور ارجنٹائن کی قومی فٹبال ٹیم کے کپتان لیونل میسی سے کولکتہ میں ملاقات کی جو ان دنوں بھارت کا دورہ کر رہے ہیں، جس کا مقصد متعدد شہروں کے فٹبال شائقین سے ملاقات کرنا ہے۔
سوشل میڈیا پر وائرل ہونے والی ویڈیو میں بھارتی اداکارہ کے بیٹے لیونل میسی سے ملاقات کے وقت ناصرف بہت خوش اور پُرجوش نظر آ رہے ہیں بلکہ ان دونوں بھائیوں نے اس ملاقات کے لیے میسی کے ملک ارجنٹینا کی فٹبال ٹیم کی جرسی بھی پہنی ہوئی ہے۔
کرینہ کپور اور لیونل میسی کی ملاقات کی اس وائرل ویڈیو کو سوشل میڈیا صارفین کی جانب سے بہت پسند کیا جا رہا اور دلچسپ تبصرے بھی کیے جا رہے ہیں۔
ایک صارف نے لکھا کہ جب عظیم لوگ ملک میں آتے ہیں تو مشہور اداکار بھی ان کے ساتھ تصاویر بنوانے کے لیے لائن میں لگ جاتے ہیں۔
Post time 2025-12-16 20:48:24
فوٹو کولاج — سوشل میڈیا 
