بھارتی میڈیا نے کہا ہے کہ آسٹریلیا کے شہر سڈنی کے ساحل بونڈی پر فائرنگ کرنے والا حملہ آور ساجد اکرم 1998میں بھارتی شہر حیدرآباد سے آسٹریلیا منتقل ہوا۔
بھارتی میڈیا کے مطابق ساجد اکرم کا تعلق بھارتی ریاست تلنگانہ کے شہر حیدرآباد سے ہے۔
بھارتی میڈیا نے مزید کہا کہ ملزم ساجد اکرم کا بیٹا نوید اکرم آسٹریلیا میں پیدا ہوا۔
آسٹریلیا میں دہشتگردی: پاکستان کیخلاف اسرائیل، بھارت، افغانستان کا گمراہ کن پروپیگنڈا
اسرائیلی اخباریروشلم نے حملہ آوروں کو پاکستانی قرار دیا جبکہ ’را‘ سے منسلک سوشل میڈیا اکاؤنٹس نے بھی پاکستان کے خلاف پروپیگنڈا شروع کر دیا ہے۔
دوسری جانب بونڈی حملے کا زخمی حملہ آور کومے سے باہر آگیا ہے۔
اس حوالے سے آسٹریلوی میڈیا کا کہنا ہے کہ بونڈی حملے کا زخمی حملہ آور اسپتال میں ہوش میں ہے، زخمی حملہ آور نے پولیس سے بات کی ہے۔
واضح رہے کہ اتوار کو سڈنی کے بونڈی بیچ پر 2 افراد نے شہریوں پر فائرنگ کی تھی، اس واقعے میں 15 افراد ہلاک اور 30 سے زائد زخمی ہوئے تھے۔
Post time 2025-12-16 20:48:26
فوٹو: اسکرین گریب 
