معروف امریکی صنعت کار اور ٹیکنالوجی کے شعبے کی نمایاں شخصیت ایلون مسک دنیا کے پہلے فرد بن گئے جن کی مجموعی دولت 600 ارب ڈالر تک پہنچ گئی۔
عالمی مالیاتی جریدے فوربز کے مطابق یہ پیش رفت اس وقت سامنے آئی ہے جب ایلون مسک کی خلائی کمپنی اسپیس ایکس کے آئندہ سال اسٹاک مارکیٹ میں آنے کی اطلاعات گردش کر رہی ہیں، جس کی ممکنہ ویلیوایشن 800 ارب ڈالر بتائی جا رہی ہے۔
برسوں تک ملحد رہنے کے بعد اب خدا پر یقین ہے: ایلون مسک کا انکشاف
دنیا کی امیر ترین شخصیات میں سے ایک، ٹیکنالوجی ماہر اور اسپیس ایکس و ٹیسلا کے سربراہ ایلون مسک نے انکشاف کیا ہے کہ برسوں تک ملحد رہنے کے بعد اب وہ خدا کے وجود پر یقین رکھتے ہیں۔
خبر رساں ادارے رائٹرز کا کہنا ہے کہ ایلون مسک کے پاس اسپیس ایکس کے تقریباً 42 فیصد شیئرز موجود ہیں۔
فوربز کے مطابق اگر اسپیس ایکس مذکورہ ویلیوایشن پر پبلک ہوتی ہے تو اس سے ایلون مسک کی دولت میں مزید 168 ارب ڈالر کا اضافہ ہوگا، جس کے بعد ان کی مجموعی دولت کا تخمینہ 677 ارب ڈالر لگایا گیا ہے۔
واضح رہے کہ ایلون مسک اکتوبر میں 500 ارب ڈالر کی حد عبور کرنے والے بھی پہلے شخص بنے تھے۔
Post time 2025-12-16 21:27:24
فائل فوٹو 
