|
|
پاکستانی فاسٹ بولر محمد عباس—فائل فوٹو
پاکستانی فاسٹ بولر محمد عباس کا کاؤنٹی چیمپئن شپ میں نئی کاؤنٹی ڈربی شائر سے 2 سالہ معاہدہ ہو گیا۔
ڈربی شائر کے ہیڈ کوچ مکی آرتھر ہیں جبکہ محمد عباس لیسٹر شائر، ہیمپشائر اور ناٹنگھم شائر کی نمائندگی کر چکے ہیں۔
مکی آرتھر کا کہنا ہے کہ عباس ریڈ بال کے ایک بہترین فاسٹ بولر ہیں، 2026ء اور2027ء کے لیے عباس کے ڈربی شائر میں شامل ہونے پر خوش ہوں۔
انہوں نے کہا کہ محمد عباس غیر معمولی بولر ہیں، حریف بیٹرز کو دباؤ میں لے کر وکٹیں حاصل کرتے ہیں۔
ہیڈ کوچ ڈربی شائر نے کہا کہ میڈن اوورز اور بہترین اوسط سے وکٹیں لینا محمد عباس کی پہچان ہے، ان کا تجربہ ڈربی شائر کے لیے اہم ہے، نوجوان کھلاڑی تجربے سے فائدہ اٹھائیں گے۔ |
|
Post time 2025-12-17 05:15:16