|
|
برطانیہ میں سطح سمندر سے تقریباً 130میٹر بلند دنیا کی سب سے اونچی چھت اگلے سال سیاحوں کیلئے کھول دی جائے گی۔
لندن کا سب سے نیا روف ٹاپ ایڈوانچر 14فروری 2026 کو الیگزینڈرا پیلس کھلنے کا شدت سے انتظار کیا جا رہا ہے‘ اس واحد محل کی چھت پر سیاح 25 میل تک پھیلے شہر کو بغیر کسی رکاوٹ نظارہ کرنے کا لطف اٹھا سکیں گے۔
ایک گھنٹہ طویل سفر کوہ پیماؤں کو مشہور اینجل آف پلینٹی کے مجسمے تک لے جائیگا‘یہاں پر دنیا بھر سے آنیوالے مہمان ماہر گائیڈز کی رہنمائی کیساتھ سینٹ پال کیتھیڈرل، دی شارڈ اور کینری وارف جیسے تاریخی مقامات کے راستوں پر سفر کر سکیں گے۔
وائر اینڈ اسکائی کے مینیجنگ ڈائریکٹر اینڈی براڈ نے کہا ہے کہ ہم وائر اینڈ اسکائی کی چھت کی مہم جوئی کو الیگزینڈرا پیلس میں لانے پر بہت خوش ہیں کیونکہ یہاں سے ناقابل یقین اور تاریخی نظارے دیکھنے کو ملیں گے ہم نے اسکی تعمیر کیلئے الیگزینڈرا پیلس کی ٹیم کے ساتھ مل کر کام کیا ہے۔ |
|
Post time 2025-12-17 07:12:10