اسلام آباد ہائی کورٹ نے منشیات کے خاتمے کی مہم پر عمل درآمد کے لیے پیمرا کے متعلقہ افسر کو طلب کر لیا۔
اسلام آباد ہائی کورٹ میں وفاقی تعلیمی اداروں سے منشیات کے خاتمے سے متعلق کیس کی سماعت ہوئی، جس میں پولیس، اے این ایف اور پرائیویٹ اسکول ریگولیٹری اتھارٹی نے عمل درآمد رپورٹ جمع کرا دی۔
جسٹس راجہ انعام امین منہاس نے ریمارکس دیے کہ حکومت کو منشیات کے خاتمے کے لیے جوائنٹ ٹاسک فورس خود بنانی ہے۔
کراچی: نجی سوسائٹی کے گھر میں ویڈ کی کاشتکاری کا انکشاف
کراچی کی نجی رہائشی سوسائٹی کے گھر میں ویڈ کی کاشت کاری بے نقاب ہو گئی۔
اے این ایف کے پراسیکیوٹر نے عدالت کو بتایا کہ منشیات کے خاتمے سے متعلق ہر نجی تعلیمی ادارے میں فوکل پرسن تعینات کیا گیا ہے، پرائیویٹ اسکول ریگولیٹری اتھارٹی نے کہا کہ ہر اسکول میں فوکل پرسن پر مشتمل کمیٹی بن گئی ہے۔
جسٹس راجہ انعام امین منہاس نے کہا کہ منشیات کے خاتمے سے متعلق پیمرا ٹی وی چینلز پر آگاہی مہم نشر کروائے۔
عدالت نے آئندہ سماعت پر پیمرا کے متعلقہ افسر کو طلب کرتے ہوئے سماعت 27 جنوری تک ملتوی کر دی۔
Post time 2025-12-17 18:15:55
فائل فوٹو 
