کراچی میں کئی ماہ بعد ریڈ لائن منصوبے کی لاٹ 2 پر کام شروع ہو گیا۔
انتظامیہ کا کہنا ہے کہ لاٹ 2 میں محکمۂ موسمیات سے نمائش چورنگی تک سڑک شامل ہے، نیپا تا حسن اسکوائر کے 4 حصوں کے علاوہ پوری لاٹ 2 کا کام جاری ہے۔
ریڈ لائن بس انتظامیہ کے مطابق جیل چورنگی تا پیپلز چورنگی سڑک پر تیزی سے کام جاری ہے، پیپلز چورنگی تا کشمیر روڈ پر بھی سڑک بچھائی گئی ہے، لاٹ 1 پر موجود گلوب کو بھی جلدی منتقل کر دیا جائے گا۔
کراچی میں ریڈ لائن بس منصوبہ کئی سال گزرنے کے باوجود مکمل نہیں ہوسکا
کراچی کا بی آر ٹی ریڈ لائن منصوبہ تقریباً 27 کلومیٹر طویل ہے، اس کی خاصیت یہ ہے کہ ملک میں پہلی بار کسی بی آر ٹی کے منصوبے میں انڈر گراؤنڈ واٹر ٹینک بھی بنایا جا رہا ہے۔
انتظامیہ نے بتایا ہے کہ لاٹ 1 پر بھی کام کی رفتار میں تیزی آئی ہے، ٹھیکے داروں کے ساتھ بھی معاملات حل ہونے کو ہیں۔
انتظامیہ کے مطابق جوڈیشل سوسائٹی اور ہائیڈرنٹس کے پاس سڑک کا کام مکمل کر لیا ہے، دیگر اداروں کے ساتھ بھی رابطوں کو تیز کر دیا گیا ہے۔
Post time 2025-12-17 22:09:05
