آسٹریلیا کے شہر سڈنی میں اتوار کو ہونے والے حملے کے ملزمان کے دورۂ فلپائن سے متعلق مزید تفصیلات سامنے آ گئیں۔
برطانوی میڈیا کا کہنا ہے کہ ساجد اور نوید اکرم نے فلپائنی شہر ڈاوو کے جی وی ہوٹل میں قیام کیا، ساجد اکرم اور نوید اکرم یکم نومبر سے 28 نومبر تک ہوٹل میں ٹھہرے۔
ہوٹل ذرائع کا کہنا ہے کہ دونوں افراد صرف کھانے کے لیے کمرے سے باہر نکلتے تھے، ہوٹل کے عملے سے دونوں کا رویہ شائستہ تھا، دونوں سے ہوٹل میں کسی کو ملنے آتے نہیں دیکھا گیا۔
سڈنی حملے میں ملوث ملزم سے متعلق آسٹریلوی وزیرِ اعظم کے انکشافات
آسٹریلوی وزیرِ اعظم انتھونی البانیز کا کہنا ہے کہ سڈنی واقعے کا مسلح ملزم نوید اکرم کسی انسدادِ دہشت گردی واچ لسٹ میں شامل نہیں تھا۔
دوسری جانب حملے میں زندہ بچ جانے والے ملزم پر 59 الزامات عائد کر دیے گئے ہیں، جن میں 15 قتل کے الزامات بھی شامل ہیں۔
اتوار کو ہونے والے اس حملے میں 15 افراد ہلاک اور تقریباً 20 زخمی ہوئے تھے۔
آسٹریلوی حکام کے مطابق 24 سالہ نوید اکرم کو ہوش میں آنے کے بعد اسپتال میں جج کے سامنے پیش کیا گیا۔
پولیس کے مطابق اگر الزامات ثابت ہو گئے تو ملزم کو عمر قید کی سزا ہو سکتی ہے۔
نیتن یاہو کو سڈنی حملہ آور کو قابو کرنیوالے احمد الاحمد کی شناخت سے متعلق وضاحت کرنا پڑ گئی
نیتن یاہو نے عبرانی زبان میں ایک تقریر کے دوران جو انتہائی قوم پرست چینل 14 پر نشر ہوئی، احمد الاحمد کے اقدام کو “یہودی بہادری” قرار دیا۔
حملے کے دوران پولیس فائرنگ میں نوید اکرم اور اس کا والد ساجد اکرم زخمی ہو گئے تھے، بعد ازاں ساجد اکرم موقع پر ہی ہلاک ہو گیا تھا۔
حکام کا کہنا ہے کہ ملزمان کے نومبر میں فلپائن کے سفر کی بھی جانچ کی جا رہی ہے۔
Post time 2025-12-18 02:03:25
