|
|
کراچی کے علاقے سرجانی ٹاؤن کے ایک مکان سے 25 سالہ خاتون کی تشدد زدہ لاش برآمد ہوئی ہے۔
پولیس کے مطابق مقتولہ کومل کو اس کے سابقہ منگیتر راشد نے سر پر لوہے کا پائپ مار کر قتل کیا۔
ملزم نے 12 روز قبل مقتولہ کا گھر کرائے پر لیا اور وہ تین روز سے اس کے ساتھ رہ رہی تھی۔
پولیس کا بتانا ہے کہ راشد منگنی کے بعد روزگار کے لیے دبئی چلا گیا تھا، کومل نے بعد میں کسی اور سے شادی کرلی تھی اور اب شوہر سے خلع کے لیے کیس کر رکھا تھا۔
پولیس نے بتایا کہ ملزم راشد نے قتل کے بعد اپنی ماں کو فون کرکے کہا کہ گھر سے کہیں چلی جاؤ میں نے کومل کو قتل کیا ہے پولیس آئے گی۔
مقتولہ کے والدین کا گھر اور جس گھر میں قتل ہوا وہ آمنے سامنے ہیں، واردات کے وقت مقتولہ کے والدین رشتہ داروں کے ہاں گئے ہوئے تھے۔
پولیس کی جانب سے فرار ملزم راشد کی تلاش جاری ہے۔ |
|
Post time 2025-12-18 11:48:27