تین ملکی سیریز اور آئی سی سی انڈر 19 ورلڈ کپ کے لیے پاکستان ٹیم کا اعلان کر دیا گیا۔
فرحان یوسف پاکستان انڈر 19 ٹیم کی قیادت جاری رکھیں گے۔ قومی انڈر 19 اسکواڈ میں صرف ایک تبدیلی کی گئی ہے، محمد حذیفہ کی جگہ عمر زیب کو ٹیم میں شامل کیا گیا ہے۔
انڈر 19 ایشیا کپ کرکٹ سیمی فائنل پاکستان اور بنگلہ دیش مدمقابل
کراچی انڈر19ایشیا کپ کرکٹ ٹورنامنٹ کے سیمی فائنل...
پاکستان انڈر 19 اسکواڈ میں کپتان فرحان یوسف، عثمان خان （نائب کپتان）، عبدالسبحان، احمد حسین، علی حسن بلوچ، علی رضا، دانیال علی خان اور عمر زیب شامل ہیں۔
حمزہ ظہور، حذیفہ احسن، مومن قمر، محمد صیّام، محمد شایان، نقاب شفیق اور سمیر منہاس بھی اسکواڈ کا حصہ ہیں۔
تین ملکی سیریز زمبابوے میں 25 دسمبر سے 6 جنوری تک کھیلی جائے گی، جس میں پاکستان، افغانستان اور میزبان زمبابوے شامل ہیں۔ پاکستان انڈر 19 ٹیم تین ملکی سیریز میں کم از کم 4 میچز کھیلے گی۔
آئی سی سی انڈر 19 ورلڈکپ 15 جنوری سے 6 فروری تک نمیبیا اور زمبابوے میں کھیلا جائے گا۔ دونوں ٹورنامنٹس 50 اوور فارمیٹ میں کھیلے جائیں گے۔
Post time 2025-12-18 14:24:09
فائل فوٹو 
