لکھنو کے کرکٹ فینز نے برہمی کا اظہار کرتے ہوئے بھارتی کرکٹ بورڈ سے رقم واپسی کا مطالبہ کر دیا۔
لکھنو میں بھارت اور جنوبی افریقہ کا چوتھا ٹی ٹوئنٹی میچ حد نگاہ کم ہونے کے باعث ختم کیا گیا۔ ٹاس ہوئے بغیر 6 انسپکشن کے بعد میچ آفیشلز نے دھند کے باعث میچ ختم کرنے کا اعلان کیا۔
بھارتی میڈیا نے میچ ختم ہونے کی وجہ اسموگ کو قرار دیا تھا۔ ایئر کوالٹی انڈیکس کی وجہ سے میڈیا نے بھارتی حکومت کو تنقید کا نشانہ بنایا۔
کرکٹ شائقین نے بھی لکھنو کا میچ ختم ہونے پر برہمی کا اظہار کیا ہے۔
جنوبی افریقہ نے 25 سال بعد بھارت کو اس کی سرزمین پر ٹیسٹ سیریز میں شکست دے دی
دوسرے ٹیسٹ میچ میں جنوبی افریقہ کی جانب سے دیے گئے 549 رنز کے جواب میں بھارتی ٹیم اپنی ہی سرزمین پر 140 رنز بنا سکی۔
کرکٹ فین نے کہا کہ میں گندم کی 3 بوریاں بیچ کر یہاں میچ دیکھنے آیا، مجھے اپنی رقم واپس چاہیے۔ میچ دن میں کرایا جاتا تو زیادہ بہتر ہوتا، ہمیں میچ دیکھنا تھا۔
بھارتی میڈیا کے مطابق ٹی ٹوئنٹی میچز کی شیڈولنگ درست نہیں، سرد موسم میں ان علاقوں میں میچز نہیں کرانے چاہیے تھے۔ گراؤنڈ میں کھلاڑی ماسک پہنے تھے ایئر کوالٹی انڈیکس 400 تک تھا۔
سوشل میڈیا صارفین نے بھی لکھنو کے وینیو اور اسموگ کی وجہ سے بھارتی بورڈ کو تنقید کا نشانہ بنایا ہے۔
واضح رہے کہ گزشتہ روز بھارت اور جنوبی افریقہ کا میچ اسموگ کی وجہ سے منسوخ کیا گیا تھا۔
Post time 2025-12-18 17:00:24
