عدالت نے سہیل آفریدی سمیت دیگر ملزمان کو عدالت میں پیش ہونے کا آخری موقع دے دیا

slotcosino

  

انسدادِ دہشت گردی اسلام آباد کی عدالت نے وزیراعلیٰ خیبر پختون خوا سہیل آفریدی اور دیگر ملزمان کو عدالت کے سامنے پیش ہونے کا آخری موقع دے دیا۔

اسلام آباد کی انسدادِ دہشت گردی عدالت کے احکامات پر مختلف جگہوں پر نوٹسز چسپا کر دیے گئے ہیں، جوڈیشل کمپلیکس میں بھی مختلف مقامات پر طلبی کے نوٹسز لگائے گئے ہیں۔

نوٹسز میں سہیل آفریدی، مینا خان، امجد خان، شفیع اللّٰہ جان، امجد آفریدی کو عدالت میں پیش ہونے کی ہدایت کی گئی ہے۔   
سہیل آفریدی کو اشتہاری قرار دینے کی کارروائی شروع

وزیراعلیٰ خیبرپختونخوا سہیل آفریدی کو اشتہاری قرار دینے کی کارروائی شروع کردی گئی۔   

نوٹسز انسدادِ دہشت گردی کی عدالت کے سیکشن 87 کے حکمنامہ کی روشنی میں آویزاں کیے گئے ہیں۔

نوٹسز میں ہدایت کی گئی ہے کہ ملزمان عدالتی احکامات کی تعمیل نہیں کر رہے یا روپوش ہیں، سہیل آفریدی ،شفیع اللّٰہ اور دیگر ملزمان عدالت میں پیش ہوں، ملزمان کو پیشی سے متعلق یہ آخری موقع دیا جارہا ہے، ملزمان عدالت میں پیش نہ ہوئے تو قانونی کارروائی کی جائے گی۔