برطانیہ میں ریزیڈنٹ ڈاکٹروں کی جاری ہڑتال کے معاملے پر تعطل ختم کروانے کے لیے مصالحتی ادارے ایکاس （Acas） نے مدد کی پیشکش کر دی ہے۔
یہ پیش رفت ایسے وقت میں سامنے آئی ہے جب انگلینڈ میں ڈاکٹرز تنخواہوں اور ملازمتوں سے متعلق مطالبات پر 14ویں بار ہڑتال کر رہے ہیں۔
ایڈوائزری، کونسیلی ایشن اینڈ آربیٹریشن سروس （ایکاس） طویل عرصے سے جاری اس تنازع کے حل کے لیے متحرک ہوگئی ہے تاکہ حکومت اور ڈاکٹروں کے درمیان کسی سمجھوتے کی راہ نکالی جا سکے۔
برطانیہ: حکومتی پیشکش مسترد، ریذیڈنٹ ڈاکٹروں کا 5 روزہ ہڑتال کا فیصلہ
برطانیہ میں حکومتی پیشکش مسترد کرتے ہوئے ریذیڈنٹ ڈاکٹروں نے ہڑتال کرنے کا فیصلہ کرلیا۔ لندن سے میڈیا رپورٹ کے مطابق برٹش میڈیکل ایسوسی ایشن نے کہا ریذیڈنٹ ڈاکٹر 17 سے 22 دسمبر تک پانچ روز کی ہڑتال کریں گے۔
حالیہ دنوں میں این ایچ ایس کے اعلیٰ حکام اور پیشنٹس ایسوسی ایشن نے بھی حکومت اور برٹش میڈیکل ایسوسی ایشن （بی ایم اے） پر زور دیا تھا کہ وہ آزاد ثالثی پر آمادہ ہوں تاکہ اس تعطل کو ختم کیا جا سکے۔
ایکاس کے ڈائریکٹر برائے تنازعات کے حل کیون روون نے اس اقدام کی تصدیق کرتے ہوئے کہا کہ ایکاس ریزیڈنٹ ڈاکٹروں کے تنازع میں شامل تمام فریقین سے رابطے میں ہے۔
واضح رہے کہ ریزیڈنٹ ڈاکٹروں کی بار بار ہڑتالوں کے باعث این ایچ ایس پر بتدریج دباؤ بڑھ رہا ہے، جبکہ حکومت اور ڈاکٹر تنظیموں کے درمیان مذاکرات تاحال کسی حتمی نتیجے تک نہیں پہنچ سکے۔
Post time 2025-12-18 19:36:35
