|
|
—جیو نیوز یوٹیوب گریب
اقوامِ متحدہ کی اینالیٹیکل سپورٹ اینڈ سینکشنز مانیٹرنگ ٹیم کی سولہویں رپورٹ میں اہم انکشاف ہوا ہے، جس میں بتایا گیا ہے کہ داعش خراسان کے ترجمان اور تنظيم کے میڈیا وِنگ کے بانی سلطان عزیز اعظّام کو گرفتار کر لیا گیا ہے۔
رپورٹ میں بتایا گیا کہ تنظیم کے ترجمان سلطان عزیز اعظّام کو 16 مئی 2025ء کو گرفتار کیا گیا، پاکستان کی کارروائی سے داعش خراسان کا تنظیمی ڈھانچہ عالمی سطح پر کمزور ہوا، کئی منصوبہ بند حملے ناکام بنا دیے گئے جبکہ تنظیم کے جنگجوؤں کی تعداد میں کمی آئی۔
رپورٹ کے مطابق سلطان عزیز اعظّام کو پاکستان کی انٹیلی جنس ایجنسی نے گرفتار کیا، الاعظائم فاؤنڈیشن داعش خراسان کی بھرتی اور پروپیگنڈے کی مرکزی تنظیم سمجھی جاتی ہے، عزیز اعظام کی گرفتاری کے بعد داعش خراسان کی میڈیا سرگرمیاں بھی معطل ہو گئیں۔
یو این اینالیٹیکل سپورٹ ٹیم کی رپورٹ میں بتایا گیا کہ اہم کمانڈرز و نظریاتی رہنماؤں کو نیوٹرلائز کر دیا گیا ہے، سلطان عزیز اعظّام اور سینئر رہنما ابو یاسر الترکی کی گرفتاری سے تنظیم کی آپریشنل طاقت میں نمایاں کمی ہوئی۔
رپورٹ میں بتایا گیا ہے کہ ان کارروائیوں کے باعث ’وائس آف خراسان‘ جیسے اہم پروپیگنڈا پلیٹ فارمز بھی معطل ہو گئے، میڈیا میں آنے سے قبل اعظّام ننگر ہار صوبائی کونسل کا مشیر بھی رہ چکا ہے۔ |
|
Post time 2025-12-19 03:24:13