|
|
—فائل فوٹو
لاہور کی سول کورٹ نے پاکستان فٹ بال فیڈریشن کے بینک اکاؤنٹس منجمد کرنے کے خلاف دعویٰ مسترد کر دیا۔
سول جج محمد افضل نے دعویٰ واپس لینے کی بنیاد پر مسترد کر دیا۔
عدالت نے اپنے فیصلے میں کہا کہ مدعی کے مطابق فیڈریشن الیکشن کو پاکستان اولمپک ایسوسی ایشن اور فیفا نے تسلیم کیا ہے۔
فیصلے میں کہا گیا ہے کہ فٹ بال فیڈریشن کا ہیڈکواٹر اور دستاویزات نئی ایگزیکٹیو کمیٹی کو منتقل کر دیے گئے ہیں۔
عدالتی فیصلے کے مطابق سید محسن گیلانی کو بطور ہیڈ فٹ بال فیڈریشن بینک اکاؤنٹس تک رسائی کا حق حاصل ہے۔
فیصلے میں یہ بھی کہا گیا ہے کہ درخواست گزار کے بیان کی روشنی میں دعویٰ واپس لینے کی بنیاد پر مسترد کیا جاتا ہے۔ |
|
Post time 2025-12-19 04:42:10