آسٹریلیا کے شہر سڈنی کے بونڈائی بیچ پر فائرنگ کے واقعے کے کچھ دن بعد آسٹریلوی شہر برسبین میں ایک مسجد کی بےحرمتی کی گئی ہے۔
غیرملکی میڈیا کے مطابق شمالی برسبین کے مضافاتی علاقے بالڈ ہلز میں مسجد تقویٰ کی دیوار پر اسپرے سے اسلامو فوبک تحریر لکھی گئی۔
مقامی پولیس کے مطابق 17 اور 18 دسمبر کی صبح نامعلوم شخص نے مسجد کی دیوار پر مغلظات لکھے۔
مقامی پولیس نے اس واقعے سے متعلق معلومات فراہم کرنے کے بارے میں عوام سے اپیل بھی کی ہے۔
سڈنی واقعہ: حملہ آوروں سے رابطے کے شبے میں 7 افراد زیر حراست
غیرملکی میڈیا کے مطابق گرفتار افراد پر کوئی الزام عائد نہیں کیا گیا ہے، مشتبہ افراد کے خلاف کہ تحقیقات جاری ہےیں، الزامات عائد نہیں کیے گئے تو انہیں رہا کیا جائے گا۔
مسجد کی انتظامیہ نے اس واقعے کو تکلیف اور تشویش کا باعث قرار دیا ہے۔
مسجد کے امام عبدالسالک نے کہا ہے کہ کمیونٹی اس واقعے سے بہت غمزدہ اور پریشان ہے۔ ہمارا پیغام غصے کا نہیں بلکہ اتحاد اور یقین دہانی کا ہے۔ یہ مسجد ہمیشہ آسٹریلوی معاشرے میں امن، خدمت اور مثبت شراکت کا باعث بنی رہی۔
Post time 2025-12-19 16:24:36
تصویر بشکریہ آسٹریلوی میڈیا 
