پاکستان نے دریائے چناب میں پانی کی غیر معمولی کمی پر بھارت سے وضاحت طلب کر لی

slotcosino

  
—فائل فوٹو

پاکستان نے دریائے چناب میں پانی کی غیر معمولی کمی پر بھارت سے وضاحت طلب کر لی ۔

وزارتِ آبی وسائل کے مطابق پاکستانی کمشنر برائے سندھ طاس نے پانی کی کمی پر بھارت کو خط لکھ دیا۔

پاکستان کی جانب سے بھارت کو لکھے گئے خط میں مؤقف اختیار کیا گیا ہے کہ سندھ طاس معاہدے کے تحت ڈیڈ اسٹوریج خالی کرنا ممنوع ہے۔   
دریائے چناب میں پانی کی سطح میں بڑے پیمانے پر کمی آئی ہے: انڈس واٹر کمشنر مہر علی شاہ

مہر علی شاہ نے کہا کہ پاکستان نے ہمیشہ سندھ طاس معاہدے کی پاسداری کی ہے۔   

وزارتِ آبی وسائل کا کہنا ہے کہ 17 دسمبر سے چناب کے بہاؤ میں نمایاں بہتری شروع ہوئی، محکمۂ آبپاشی کی جانب سے چناب کی مسلسل نگرانی جاری ہے، دریائے چناب میں پانی کے بہاؤ میں غیر معمولی کمی کے بعد استحکام آ گیا۔

مرالہ کے مقام پر چناب میں بہاؤ دوبارہ معمول پر آ رہا ہے، 10 سے 16 دسمبر تک چناب میں گزشتہ 10 سال کی تاریخی سطح سے کہیں کم بہاؤ ریکارڈ ہوا،  چناب میں کم ترین بہاؤ 870 کیوسک تک گر گیا تھا۔