برطانوی شاہی خاندان کی منحرف بہو اور امریکی اداکارہ میگھن مارکل نے کرسمس کے موقع پر اپنے شوہر پرنس ہیری، بیٹے پرنس آرچی اور بیٹی شہزادی لیلیبٹ کے ساتھ ایک خوبصورت نئی فیملی تصویر شیئر کی ہے۔
ڈچس آف سسیکس نے گزشتہ روز اپنے انسٹاگرام اکاؤنٹ پر یہ دلکش تصویر شیئر کرتے ہوئے سب کو کرسمس کے سلسلے میں چھٹیوں کی مبارکباد دی۔
جنگل میں کھینچی گئی اس خوبصورت تصویر کو تاحال لاکھوں صارفین لائیک کر چکے ہیں۔
تصویر میں پرنس ہیری اپنے بیٹے آرچی کے سر کو محبت سے تھامے ہوئے نظر آ رہے ہیں جبکہ ننھی شہزادی لیلیبٹ اپنی والدہ میگھن مارکل کا ہاتھ تھامے کھڑی ہیں۔
میگھن مارکل نے تصویر کے کیپشن میں لکھا ہے ’ہیپی ہالیڈیز! ہماری فیملی کی جانب سے آپ سب کے لیے نیک تمنائیں۔‘
میگھن مارکل نے والد سے ملاقات کیلئے سخت شرائط رکھ دیں
برطانوی شاہی خاندان کی بہو ڈچس آف سسیکس اور امریکی اداکارہ میگھن مارکل نے اپنے والد تھامس مارکل سے ملاقات کے لیے ایسی شرائط عائد کی ہیں جن کی وجہ سے دونوں کے دوبارہ ملنے کے امکانات انتہائی کم ہو گئے ہیں۔
واضح رہے کہ میگھن مارکل اور پرنس ہیری نے 2018ء میں پسند کی شادی کی تھی۔
دونوں نے 2020ء میں شاہی ذمہ داریوں سے علیحدگی اختیار کرنے کے بعد برطانیہ چھوڑ دیا تھا اور اب امریکا میں مقیم ہیں۔
Post time 2025-12-20 17:45:04
