برطانیہ و خلیجی ممالک میں غیر قانونی دستاویزات پر سفر کرنیوالوں میں کمی آئی: اجلاس میں وزیرِاعظم کو بریفنگ

slotcosino

  وزیرِ اعظم شہباز شریف—فائل فوٹو

برطانیہ اور خلیجی ممالک میں غیر قانونی دستاویزات پر سفر کرنے والوں کی تعداد میں کمی آئی ہے۔

یہ بات وزیرِ اعظم شہباز شریف کی زیر صدارت انسانی اسمگلنگ کے خاتمے سےمتعلق جائزہ اجلاس میں دی گئی بریفنگ میں بتائی گئی۔

جاری اعلامیے کے مطابق وزیرِاعظم شہباز شریف نے اجلاس میں انسانی اسمگلنگ کے خاتمے کے لے متعلقہ اداروں کی کاوشوں کی پزیرائی کی۔

اجلاس سے خطاب کرتے ہوئے وزیرِاعظم شہباز شریف نے کہا کہ بیرونِ ملک سفر کرنے والے مسافروں کی آف لوڈنگ کی شکایت پر وزیرِ داخلہ نے خود ایئر پورٹس پر جا کر صورتِ حال کا جائزہ لیا۔   

انہوں نے کہا کہ امیگریشن کا نظام بہتر بنانے کے حوالے سے ٹیکنالوجی کا بھرپور استعمال وقت کی اہم ضرورت ہے، کرپٹ عناصر کے خلاف سخت کارروائی کی جائے۔  

وزیرِ اعظم کو دی گئی بریفنگ میں بتایا گیا ہے کہ زیادہ تر مسافر سعودی عرب، متحدہ عرب امارات، عراق اور ملائیشیاء سے ڈی پورٹ ہوئے۔  

بریفنگ میں بتایا گیا کہ ایف آئی اے نے اس سال انسانی اسمگلنگ، بیرونِ ممالک غیر قانونی سفر کے غیر قانونی کاروبار میں ملوث 451 افراد کو گرفتار کیا۔   
جعلی پاکستانی پاسپورٹ پر خلیجی ملک جانے کی کوشش کرنے والا افغان باشندہ گرفتار

وفاقی تحقیقاتی ادارے （ایف آئی اے） کے امیگریشن سرکل نے کراچی ایئرپورٹ پر کارروائی کرتے ہوئے ایک افغان باشندے کو گرفتار کیا ہے جو جعلی پاکستانی پاسپورٹ پر خلیجی ملک جانے کی کوشش کر رہا تھا۔    

وزیرِ اعظم کو بریفنگ میں بتایا گیا ہے کہ کارروائی سے یورپ کا غیر قانونی سفر کرنے والے پاکستانیوں کی تعداد میں 47 فیصد کمی آئی ہے۔

بریفنگ میں بتایا گیا کہ ایف آئی اے میں کرپشن ثابت ہونے پر 196 افسروں اور اہلکاروں کو نوکری سے برخاست کیا گیا ہے۔

وزیرِ اعظم کو بریفنگ میں بتایا گیا کہ مسافروں کے ڈیٹا کے حوالے سے موبائل فون ایپلی کیشن تیار کی جا رہی ہے، ایف آئی اے کے آئی بی ایم ایس اور آئی ٹی سیکشنز کی ری اسٹرکچرنگ کی جا رہی ہے،غیر قانونی سفر روکنے کے لیے مصنوعی ذہانت کا استعمال بھی کیا جا رہا ہے۔