|
|
 تصویر سوشل میڈیا۔
برطانیہ میں شاپنگ کے حوالے سے سال کا سب سے مصروف ترین دن 26 دسمبر یعنی باکسنگ ڈے کو تصور کیا جاتا ہے، ایسا لگتا ہے کہ کرسمس کے روز لوگ اپنے تحائف کھول کر نئی اشیا کی خریداری کی فکر شروع کر دیتے ہیں۔
معاشی ماہرین کے تخمینہ کے مطابق باکسنگ ڈے پر مجموعی طور پر 3.8 بلین پاؤنڈ کی شاپنگ کی جائے گی جو کہ گزشتہ برس کی نسبت دو فیصد زائد ہے۔
بدلتے زمانے کے ساتھ شاپنگ کرنے کی عادات میں بھی تبدیلیاں واقع ہوئی ہیں چند برس پہلے تک بڑے اسٹور سیل کے رش سے نمٹنے کیلئے علی الصبح ہی اسٹور کے دروازے گاہکوں کیلئے کھول دیا کرتے تھے لیکن اب آن لائن شاپنگ کی مقبولیت کے سبب شاپنگ سینٹرز یا ہائی اسٹریٹ جاکر شاپنگ کرنے والوں کی تعداد میں گزشتہ برس کی نسبت 6.7 فیصد کمی واقع ہوئی ہے۔
اسٹور اب کرسمس ڈے سے ہی سیل کا آغاز کر دیتے ہیں اور ان کی ویب سائٹ پر رش کے سبب صارفین کو سلاٹ بک کرے پڑتے ہیں۔
ہارڈویئر اور ٹیکنالوجی اسٹورز کے خریداروں میں نمایاں کمی واقع ہوئی ہے جبکہ لیژر، ہیلتھ اینڈ بیوٹی کی اشیا اسٹور جاکر خریدنے والوں کی تعداد میں اضافہ دیکھا گیا ہے۔
لوگوں کی ایک بڑی تعداد کرسمس پر ملنے والے ایسے تحائف جو انھیں درکار نہیں ہوتے انھیں واپس کرنے کیلئے بھی اسٹورز کا رخ کرتے ہیں۔
کنزیومر گروپ وچ نے صارفین کو یاد دلایا ہے کہ فراڈ کرنے والے ہالیڈے سیزن میں زیادہ سرگرم ہوتے ہیں اس لیے سیلز میں خریداری کرتے وقت ان سے ہوشیار رہا جائے۔ |
|
Post time 2025-12-27 16:18:09