برطانیہ: فلیٹ سے معمر خاتون پنشنر کی لاش ملنے پر پولیس کی دوڑیں لگ گئیں

slotcosino

  تصویر سوشل میڈیا۔

برطانیہ بھر میں جہاں ہر طرف کرسمس کی خوشیاں منائی جا رہی ہیں، وہیں اس روز 80 کی دہائی کی ایک پنشنر کی پراسرار موت نے قانون نافذ کرنیوالے اداروں کی دوڑیں لگوا دیں۔

لندن سے برطانوی ذرائع ابلاغ کے مطابق ولٹ شائر کے علاقے ڈیوائز میں فلیٹ سے ایک خاتون پنشنر کی لاش ملنے پر ایک خاتون کو پولیس نے مبینہ حملہ آور کے طور پر حراست میں لے کر تحقیقات کا آغاز کر دیا ہے۔

ولٹ شائر پولیس اور ساؤتھ ویسٹرن ایمبولینس سروس نے واقعہ کی اطلاع ملتے ہی موقع پر پہنچ کر شواہد اکٹھے کیے جبکہ خاتون کو موقع پر ہی مردہ قرار دیا گیا۔

مرنے والی خاتون کے قریبی رشتہ داروں کی تلاش جاری ہے، پولیس نے جائے وقوعہ کو حفاظتی حصار میں لے کر معاملے کی تفتیش شروع کر دی ہیں۔

میجر کرائم انویسٹی گیشن ٹیم سے تعلق رکھنے والے ڈی آئی ایلن اسمتھ نے واقعہ پر افسوس کا اظہار کرتے ہوئے کہا کہ مذہبی تہوار کے موقع پر بزرگ خاتون کی یوں اچانک موت نے انہیں سوگوار کر دیا ہے۔

انہوں نے انکشاف کیا کہ پولیس نے ایک ایسی خاتون کو حراست میں لیا ہے جو مرنے والی خاتون کو جانتی ہیں اور ہمیں اسی سے اصل معاملات اور قتل کے محرکات کا پتہ چل سکے گا۔